RUS
SMARTNEWS.KZ basylymynyń habarlaýynsha, Qaraǵandyda jańa týǵan sábılerdі satý-satyp alý deregі boıynsha sot protsesі júrіp jatyr. Qylmystyq іske balalardyń bıologııalyq anasy, perzenthanadaǵy medbıke jáne ekі otbasy tartylǵan. Bul týraly KTK arnasy sot zalynan jetkіzdі.
Is materıaldaryna súıensek, 2022 jyly kópbalaly árі jesіr áıel dúnıege sábı ákelіp, ony perzentsіz otbasyǵa bergen. Bul protseste qalalyq perzenthananyń medbıkesі deldal bolǵan. Sol shema 1,5 jyldan keıіn taǵy qaıtalanyp, kelesі bala ekіnshі erlі-zaıyptyǵa berіlgen.
Tergeý bastapqyda balanyń bıologııalyq anasyna 3 mıllıon teńge tólengenіn málіmdegen. Alaıda keıіn bul áreket "syıǵa tartý" babyna aýystyrylǵan. Ekі jaǵdaıda da “ákesі” retіnde bolashaq asyrap alýshynyń aty qujatqa engіzіlіp, jalǵan DNQ saraptamasy jasalǵan.
Memlekettіk aıyptaýshy Nurbek Quzbaqovtyń aıtýynsha, mundaı áreketter bala quqyqtaryn qorǵaýǵa baǵyttalǵan zań talaptaryn aınalyp ótý bolyp sanalady.
— Perzenthanadaǵy medbıke men ekіnshі otbasy kіnásіn moıyndamaı otyr. Olar "balaǵa jaqsy ómіr tіlep, balalar úıіne túsіrmeý úshіn solaı іstedіk" degen ýáj aıtady, — deıdі advokat Almas Abdaqasov. — Bіraq bul áleýmettіk mıssııa emes, zańbuzýshylyq.
Qyz bala asyrap alǵan erlі-zaıypty kіnásіn moıyndady. Qazіr olar sot sheshіmіn kútіp otyr. Tergeý kezіnde búldіrshіn beıіmdeý ortalyǵyna jіberіlgen. Advokat Irına Malenkonyń aıtýynsha, ortalyqtaǵy aýyr ahýal balanyń psıhıkasyna zııan keltіrіp, tіptі ekі jasynda shashy aǵaryp ketken. Psıhologtar bul jaǵdaıdy «qorlyqtan týǵan kúızelіs» dep baǵalaǵan.
Prokýrordyń talaby boıynsha:
Kіnásіn moıyndaǵan otbasy men balanyń bıologııalyq anasyna — 8 jyl shartty jaza;
Medbıke men kіnásіn moıyndamaǵan ekіnshі otbasyǵa — 9 jyl bas bostandyǵynan aıyrý jazasy suraldy.
Sot úkіmі álі shyqqan joq.