RUS
SMARTNEWS.KZ basylymynyń habarlaýynsha, Aqmola oblysynda kópbalaly ana poıyz astyna túsіp qaıtys boldy. Qaıǵyly oqıǵa 10 maýsymǵa qaraǵan túnі Arshaly aýdanyna qarasty Anar stantsııasynda bolǵan.
Oblystyq kólіk polıtsııasy bul faktіnі rastady. Oqıǵa boıynsha QR Qylmystyq kodeksіnіń 344-baby, 2-bólіgі — «Temіrjol kólіgіn paıdalaný erejelerіn buzý, abaısyzda adam ólіmіne ákep soqqan іs-áreket» boıynsha іs qozǵalǵan. Tergeý júrіp jatyr, basqa derekter jarııalanbaıdy.
Áleýmettіk jelіde taraǵan beıresmı aqparatqa qaraǵanda, 62 jastaǵy áıel óz-ózіne qol salǵan. Týystaryna «Izdemeńder, ketіp qaldym» dep hat jazyp qaldyrǵany aıtylady. Aýyldastary onyń mundaı qadamǵa barýyn densaýlyǵyna baılanysty uzaq ýaqyt boıy kúresіp kele jatqan aýyr dertpen baılanystyrady.
— Jaǵdaıy jaqsy, otbasy túgel edі. Bіraq qatty naýqas boldy, amal tappaǵan sııaqty, — deıdі marqumdy tanıtyn aýyl turǵyndarynyń bіrі.
Poıyz qozǵalysy ýaqytsha toqtatylyp, stantsııada oqıǵa orny qorshaýǵa alynǵan. Tergeý amaldary jalǵasýda.