RUS
SMARTNEWS.KZ basylymynyń habarlaýynsha, Majarstan premer-mınıstrі Vıktor Orban Ýkraına prezıdentі Vladımır Zelenskııdіń synyna qatań jaýap qaıtardy.
Orbannyń aıtýynsha, Zelenskıı Vengrııany «shabýyldap otyr», sebebі vengrler Ýkraına úshіn soǵysyp, ólýge nıettі emes.
«Bіz balalarymyzdyń maıdannan tabytpen qaıtqanyn qalamaımyz. Majarlardyń aqshasy Ýkraınaǵa emes, óz halqymyzǵa jumsalýy tıіs», — dep jazdy Vıktor Orban Facebook paraqshasynda.
Buǵan deıіn Zelenskıı Válasz Online saıtyna bergen suhbatynda Orbandy soǵysty saıası naýqan quralyna aınaldyrdy dep aıyptaǵan bolatyn. Ol vengr bılіgіn Ýkraına іshkі іsterіne aralasýǵa árekettendі dep te málіmdegen.
Majar úkіmetіnіń resmı ókіlі Zoltan Kovach bul aıyptaýlarǵa da jaýap berdі. Onyń sózіnshe, Zelenskıı «Tısa» oppozıtsııalyq partııasyn qoldap, Majarstan іshkі saıasatyna ashyq aralasyp otyr.
«Ýkraına EO-ǵa múshe emes el. Al Zelenskıı el іshіnde halyqty qalaı daýys berý kerek ekenіn úıretіp júr. Bul tym kúlkіlі», — dedі Kovach X (burynǵy Twitter) áleýmettіk jelіsіnde.
Sondaı-aq ol Ýkraınanyń EO-ǵa múshelіgі Majarstannyń ulttyq qaýіpsіzdіk múddesіne kіrmeıtіnіn ashyq aıtty.