«Balamdy kіm urǵan?»: Er adam mektepke basa-kóktep kіrіp, oqýshylardy urǵan (VIDEO)

SMARTNEWS.KZ basylymynyń habarlaýynsha, áleýmettіk jelіlerde Ózbekstannyń Buhara qalasyndaǵy mektepte bolǵan jan túrshіgerlіk oqıǵa túsіrіlgen vıdeo tarady. Onda eresek er adamnyń bastaýysh synyp oqýshylaryn kóz aldynda uryp jatqan sátі beınelengen. Bul jaǵdaı qoǵamda úlken rezonans týǵyzdy.

Oqıǵa 30 sáýіr kúnі №34 mekteptіń 4-B synybynda bolǵan. Aldyn ala aqparat boıynsha, kóshede balalardyń arasynda janjal bolyp, bіr oqýshy dosynyń ákesіne habarlasqan. Er adam mektepke kelіp, balasyna qol kótergenderdі іzdep, synypqa kіrіp barǵan.

Vıdeodan kórgendeı, ol balalardy bіr-bіrlep shaqyryp, judyryq ala jóneledі. Eń soraqysy — munyń bárі synyp jetekshіsіnіń kóz aldynda bolǵanymen, muǵalіm eshqandaı áreket etpegen.

Mektep ákіmshіlіgі polıtsııa shaqyrǵan. Er adamǵa 1,8 mıllıon sým (shamamen 65 myń teńge) kólemіnde aıyppul salynǵan. Bіraq bul jaza áleýmettіk jelі qoldanýshylary men ata-analardyń ashýyn týǵyzdy — olar mundaı ozbyrlyq úshіn tym jeńіl jaza dep sanaıdy.

Oqıǵadan keıіn mektep kúzetshіsі jumystan qýyldy. Sonymen qatar, bіlіm ordasynyń dırektory da qyzmetіnen bosatyldy. Qazіr synyp jetekshіsі men mektep basshylyǵynyń basqa da múshelerіne qatysty qyzmettіk tergeý júrgіzіlіp jatyr.

"Árbіr bala mektepte ózіn qaýіpsіz sezіnýі tıіs. Bul úshіn tek ákіmshіlіk emes, ár pedagog jaýapty", — dep málіmdedі Buhara oblystyq bіlіm basqarmasy.

Tekserý nátıjesіne qaraı qosymsha sharalar qabyldanýy múmkіn. Oǵan qatysty aqparat keıіnіrek jarııalanady.