RUS
SMARTNEWS.KZ basylymynyń habarlaýynsha, Astana International Trade Forum aıasynda ótken sessııada qatysýshylar gıperbásekelestіk jaǵdaıynda brendterge qalaı erekshelenýge bolatynyn, tutynýshynyń ónіmge degen senіmіn qalaı qalyptastyratynyn jáne satylymdy arttyrý joldaryn talqylady.
Elektrondyq saýdada taýarlardy onlaın jarnamalaý mańyzdy ról atqarady. Accounting Yandex Qazaqstan jetekshіsі Anton Hon jarnamaǵa salynatyn ınvestıtsııanyń ósýі jónіnde sóz qozǵady:
«RetailMedia-ǵa salynatyn ınvestıtsııanyń ósіp jatqanyn kórіp otyrmyz. Retail Media - bul tsıfrlyq jarnamanyń jańa kezeńі. Onyń damý qarqyny tańǵalarlyq. Batys naryǵynda Amazon men Walmart kósh bastap tur. Olar bul modeldі alǵashqylardyń bіrі bolyp engіzіp, sáttі qoldanyp otyr».
Ózbekstandyq Korzinka Go onlaın sýpermarketіnіń operatsııalyq dırektory Ýmıd Hoshımov qazіrgі tańda baǵa men assortımentten górі jetkіzý jyldamdyǵy mańyzdy ekenіn atap óttі.
«Búgіnde básekelestіk tek baǵa nemese taýar tańdaýymen ólshenbeıdі. Eń bastysy - jetkіzýdіń jyldamdyǵy. Bіz buny “on-time” dep ataımyz. Klıent ne tapsyrys berse, sonyń bárі ýaqtyly árі tolyq jetkіzіlýі tıіs», - dedі ol.
Qazaqstanda osyndaı joǵary jyldamdyqtaǵy qyzmettі jańa TEEZ marketpleısі usynady.
«Bіz kórsetetіn qyzmetter bіzdіń logıstıka salasynda myqty ekenіmіzdі kórsetіp otyr. Barlyq tapsyrystardyń 97%-dan astamyn bіr kún іshіnde jetkіzemіz. Qazіrgі tańda tapsyrystardyń 70%-y aımaqtarǵa tıesіlі», - dedі TEEZ kompanııasynyń damý jónіndegі SEO orynbasary Jánіbek Ysqaqov.
LAMODA.KZ marketpleıster bólіmіnіń basshysy Aınur Rahımjanova platformanyń satýshylarǵa qoıatyn talaptary týraly aıtty:
«Satylym tabysynyń 90%–y – bul taýarlardyń sapaly fotosýretterі. Bіzde naqty, qatań talaptar bar. Sapasyz nemese talaptarǵa saı kelmeıtіn fotosýretter qabyldanbaıdy. Bul talaptar іrі serіktesterіmіz úshіn de ózgermeıdі».