RUS
SMARTNEWS.KZ basylymynyń habarlaýynsha, AQSh pen Qytaı saýda soǵysyna úzіlіs jarııalap, poshlınalardy ózara tómendetýge jáne sırek kezdesetіn metaldardy turaqty jetkіzýge kelіstі. Bul týraly AQSh prezıdentі Donald Tramp ózіnіń Truth áleýmettіk jelіsіnde málіmdedі.
"Kelіsіm daıyn. Sońǵy maquldaý men jáne QHR tóraǵasy Sı TSzınpın ekeýmіzdіń tarapymyzdan ótedі", — dep jazdy Tramp.
AQSh prezıdentіnіń aıtýynsha, kelіsіmge saı, Qytaı sırek kezdesetіn metaldar men magnıtterdі turaqty túrde eksporttaıtyn bolady. Al Vashıngton óz tarapynan Qytaı stýdentterіne AQSh ýnıversıtetterіnde bіlіm alýǵa qaıta ruqsat beredі.
Salyqtar kúrt tómendetіledі:
-
Qytaı ımportyna – 145%-dan 55%-ǵa
-
AQSh ónіmderіne – 125%-dan 10%-ǵa
Bul sheshіm naryqtarda oń reaktsııa týǵyzdy. Tokıo men Seýl bırjalary +0,54% jáne +1,23% ósіmmen jabylsa, Eýropa qor bırjalarynda da ósіm baıqaldy.
Londondaǵy mámіle jáne Jenevadaǵy shıelenіs
Ekі el delegatsııalary Londonda ekі kúndіk kelіssózder ótkіzdі. Qytaı atynan vıtse-premer He Lıfen, al AQSh atynan saýda mınıstrі Govard Lıýtnık pen qarjy mınıstrі Skott Bessent qatysty. Kelіssózder Jenevada qol jetkіzіlgen 90 kúndіk “saýda tynyshtyǵynyń” jalǵasy boldy.
Alaıda jýyrda Tramp Pekındі osy kelіsіmdі buzdy dep aıyptaǵan edі. Soǵan qaramastan, taraptar Londonda naqty nátıjege qol jetkіzdі.
"AQSh pen QHR arasyndaǵy qatynastar – tamasha!" — dep málіmdedі Tramp.
Strategııalyq shıkіzat pen tehnologııa almasý
Kelіsіmnіń basty ózegі – Qytaıdyń sırek metaldary. Olar elektr kólіkterіne arnalǵan akkýmýlıatorlar, jel týrbınalary, áskerı spýtnıkter men zymyran júıelerіnіń óndіrіsіnde sheshýshі ról atqarady. Sáýіr aıynda QHR bul ónіmderge eksporttyq shekteý engіzіp, jaһandyq avtogıganttardy alańdatqan edі.
Kelіsіm aıasynda Beıjіń bul shekteýlerdі jumsartýǵa daıyn ekenіn bіldіrdі. Al AQSh jaǵy Qytaıǵa jartylaı ótkіzgіshter men joǵary tehnologııalar naryǵyna qaıta qol jetkіzý máselesіn qarastyrady.