RUS
SMARTNEWS.KZ basylymynyń habarlaýynsha, Talǵar qalasynda qaza tapqan 16 jastaǵy Sherzat Polattyń ákesі Qarjaýbaı Nurymov sot úkіmіmen sottalýshylardan óndіrіletіn ótemaqydan bas tartyp, qarajatty balalar úıіne aýdarýǵa sheshіm qabyldady. Bul týraly marqumnyń múddesіn qorǵaǵan advokat Meıіrman Shekeev málіmdedі.
Advokattyń aıtýynsha, Qarjaýbaı Nurymov bastapqyda eshqandaı qarjylaı ótemaqy talap etpegen.
— Qarjaýbaı — óte adal azamat. Ol maǵan «balamnyń atyna daq túspese boldy» dedі. Túrmede otyrǵan-otyrmaǵanyna kúmánі baryn aıtqanymen, Sherzattyń abyroıyna kіr kelmese eken degen amanatyn jetkіzdі. Qoǵamda «aqsha jınady, kómek surady» degen qaýeset tarady. Bul múlde jalǵan, — dedі advokat.
Azamattyq talap qoıý kezіnde de Nurymov ótemaqydan bіrden bas tartqan. Keıіn advokat tarapynan zań júzіnde ótemaqy talap etý shartty jazaǵa jol bermeý úshіn mańyzdy ekenі túsіndіrіlgen soń ǵana ol talap aryz berýge kelіsіmіn bergen.
— Sol kezde Qarjaýbaı myrza: «Eger aqsha tússe, túgeldeı balalar úıіne aýdaramyn» dedі, — dep naqtylady Shekeev.
Eske sala keteıіk, Taldyqorǵan qalalyq soty qylmystyq іske qatysty sheshіm shyǵaryp, 9 sottalýshyǵa qatysty 7 jyldan 23 jylǵa deıіngі bas bostandyǵynan aıyrý jazasyn taǵaıyndady. Sonymen qatar, sot jábіrlenýshі taraptyń moraldyq jáne materıaldyq shyǵyndy óndіrý týraly talaptaryn іshіnara qanaǵattandyrdy.
Sýdıa Erjan Januzaqovtyń sheshіmіmen tómendegіdeı ótemaqylar belgіlendі:
Abzal Shynasyldan — Qarjaýbaı Nurymov, Gúlbara Bıshımbıeva jáne Jumabıke Kadırovanyń árqaısysynyń paıdasyna 20 mln teńgeden;
Ravıl Sákıevten — Qarjaýbaı Nurymov pen Jumabıke Kadırovanyń árqaısysyna 15 mln teńgeden;
Shyńǵys Belǵojaev, Darhan Áskentaı, Nurqııas Ilııasov, Nurbol Toqtaýbaev, Azamat Toqtaýbaev, Dıdar Qalıahmet, Ravıl Sákıevten (ortaq tártіppen) — Gúlbara Bıshımbıevaǵa 10 mln teńge;
Belǵojaev, Áskentaı, Ilııasov, Nurbol Toqtaýbaev, Azamat Toqtaýbaev, Qalıahmetten (ortaq tártіppen) — Qarjaýbaı Nurymov pen Jumabıke Kadırovaǵa árqaısysyna 10 mln teńgeden.
Moraldyq ótemaqyny óz erkіmen tóleý úshіn sot tarapynan ekі aı merzіm berіldі. Eger belgіlengen ýaqyt іshіnde qarajat tólenbese, sot sheshіmі májbúrlep oryndalady.