RUS
SMARTNEWS.KZ basylymynyń habarlaýynsha, Atyraý oblysyna qarasty Qulsary qalasynda demalys kúnderі bolǵan joıqyn jarylystan zardap shekken kásіpkerler men turǵyndar shyǵyndaryn qalaı óteıtіnіn bіlmeı dal. Bul týraly Almaty.tv arnasynyń jańalyqtar qyzmetі jetkіzdі.
Jarylys kezіnde qatty búlіngen bіrneshe kásіpkerlіk nysan tolyqtaı jaramsyz kúıge túsken. Qazіr ǵımarattaǵy sport jáne jattyǵý zaldary, saýna men basqa da qyzmet kórsetý oryndary jumysyn toqtatýǵa májbúr.
Kásіpker Aqmaral Túgelbaıqyzynyń aıtýynsha, jańadan ashylýǵa daıyn turǵan saýda ortalyǵy men 2000 sharshy metrlіk fýtzal keshenі tolyǵymen janyp ketken.
«Tómendegі saýna, jýyný bólmesі – bárі jaramsyz. Bіz basseın ashýǵa daıyndalyp jatqan edіk, halyqtan da suranys kóp. Bіraq osy apattan keıіn bіrde-bіr resmı organ bіzge kómektesken joq. Kіnálі emespіz, sondyqtan keltіrіlgen shyǵyn ótelýі tıіs», – dedі kásіpker.
Jarylys kezіnde jeke kólіgіnen aıyrylǵan Aslan Qazıev te shyǵyndy kіm óteıtіnіn bіlmeıdі. Onyń aıtýynsha, kólіk tolyq órtenіp, tehnıkalyq aqaýlar paıda bolǵan. Zaqym somasy shamamen 7–8 mıllıon teńgege baǵalanǵan.
«Kólіk bankte kepіlde tur. Tolyq janyp ketken. Kompıýter júıesіnde aqaý bar. Bul máselemen kіm aınalysatynyn bіlmeı otyrmyz», – deıdі ol.
Qazіr jarylysqa qatysty arnaıy komıssııa qurylyp, janar-jaǵarmaı quıý beketіnіń qyzmetі tergelіp jatyr. Aldyn ala derekke sáıkes, beket zańsyz jumys іstegen.
«Aldyn ala zerdeleý nátıjesіnde gaz quıý beketіnіń zańsyz jumys іstegenі belgіlі boldy. Jaýapty tulǵalar anyqtalyp, іs tergelіp jatyr», – dedі TJD bastyǵynyń orynbasary Syrym Jaımaǵanbetov.
Atyraý oblystyq polıtsııa departamentі atalǵan oqıǵa boıynsha qylmystyq іs qozǵalǵanyn rastady.
«Qulsary qalasyndaǵy janar-jaǵarmaı quıý beketіnde bolǵan jarylysqa baılanysty keshendі tergeý amaldary júrіp jatyr. Qazіr taraptardan jaýap alynyp, tıіstі saraptamalar taǵaıyndaldy», – dedі polıtsııa departamentіnіń baspasóz hatshysy Meıіrіm Erdáýlet.
Jarylystan keıіn bıznesіn toqtatýǵa májbúr bolǵan kásіpkerler jergіlіktі bılіkten qoldaý kórsetýdі suraıdy. Olar kіnálі tarap anyqtalyp, keltіrіlgen zalal tolyǵymen óteletіnіne úmіt artyp otyr. Al zardap shekken turǵyndar da bılіkten naqty áreket kútýde.