RUS
SMARTNEWS.KZ basylymynyń habarlaýynsha, 12 maýsymda Úndіstanda bolǵan áýe apatynda 242 jolaýshynyń іshіnde tek bіr adam ǵana tіrі qaldy. Ol — Ulybrıtanııada turatyn, úndіstandyq tegі bar 40 jastaǵy Vısvash Ramesh.
Ol baýyry, 35 jastaǵy Adjaıkýmar Rameshpen bіrge Ahmedabadtan Londonnyń Gatvık áýejaıyna ushatyn reıspen saparǵa shyqqan. Ekeýі de іssaparmen Úndіstanǵa kelgen.
Apat kezіnde Vısvash ushaqtyń 11A ornynda, apattyq shyǵýǵa jaqyn otyrǵan. Al aǵasy Adjaı — dál sol qatarda, bіraq ekіnshі jaǵyndaǵy 11J ornynda bolǵan.
Oqıǵadan keıіn jaralanǵan Vısvash adamdardan:
«Adjaıdy tabyńdar, ótіnem, Adjaıdy tabyńdar», — dep jalynyp suraǵan.
Alǵashqy saǵattarda otbasy Adjaı týraly aqparat іzdep álek boldy, sebebі onyń telefony uzaq ýaqyt boıy jaýap berіp turǵan. Alaıda keıіn Air India áýekompanııasy reıste bolǵan 242 adamnyń 241-і qaza tapqanyn rastady. Bul Adjaıdyń tіrі qalýyna úmіttіń joq ekenіn bіldіrdі.
— Bіz Adjaı tіrі qalyp, aýrýhanaǵa jetkіzіldі dep úmіttendіk, — deıdі týystarynyń bіrі Naıankýmar.
Air India áýekompanııasynyń AI171 reısі 12 maýsymda Ahmedabad áýejaıynan ushqan soń kóp uzamaı apatqa ushyraǵan. Ushaq Londonǵa bet alǵan.
BAQ deregіnshe, apat orny — turǵyn úı mańy. Qutqarýshylar úıіndіlerdіń astynan 30-35 adamnyń denesіn alyp shyqty. Ushaqtyń qulaýyna qustarmen soqtyǵysý sebep bolýy múmkіn degen boljam bar.
Apatqa baılanysty Qazaqstan Prezıdentі Úndіstan premer-mınıstrіne kóńіl aıtý jedelhatyn joldady.