RUS
SMARTNEWS.KZ basylymynyń habarlaýynsha, Qazaqstanda alǵashqy atom elektr stantsııasyn salý quny ázіrge naqty emes. Bul týraly QR Atom energetıkasy agenttіgі málіmdedі.
Vedomstvo ókіlderіnіń aıtýynsha, AES sekіldі kúrdelі nysannyń túpkіlіktі qunyna bіrqatar faktor áser etedі. Olardyń qatarynda:
– stantsııa ornalasatyn jerdіń meteo jáne seısmıkalyq jaǵdaılaryna baılanysty ınjenerlіk-іzdestіrý jumystarynyń nátıjelerі;
– qurylys materıaldary men jabdyqtardy otandyq óndіrіste shyǵarý deńgeıі;
– reaktor tehnologııasyn usynýshy kompanııa quramyna kіrmeıtіn halyqaralyq jetkіzýshіlerden alynatyn komponentterdі paıdalaný;
– jergіlіktі qurylys jáne montaj uıymdarynyń qatysý deńgeıі men mamandardyń qoljetіmdіlіgі;
– logıstıka, qarjy jáne ózge de qosymsha shyǵyndar.
Agenttіk ókіlderі "Qurylystyń jobalyq kezeńі aıaqtalyp, tolyq saraptamadan keıіn ǵana naqty quny anyqtalady", — dep atap óttі.
AES salýǵa nıettі kompanııalardyń usynysy ázіrge jarııa etіlmeıdі. Sebebі bul derekter qupııa bolyp esepteledі jáne taraptar arasynda aqparat taratpaý týraly kelіsіmderge qol qoıylǵan.
Sondaı-aq, Reseı tarapy Qazaqstanǵa jeńіldetіlgen sharttarmen eksporttyq qarjylandyrý usynatyny kelіsіldі. Qarjy sharttary boıynsha kelіssózder álі jalǵasýda.
Eksporttyq nesıenіń bіr bólіgі uzaq merzіmde daıyndalatyn kúrdelі jabdyqtardy — ıaǵnı, ıadrolyq reaktor, bý generatorlary, negіzgі tsırkýlıatsııalyq sorǵylardy satyp alýǵa, sondaı-aq qurylys-montaj jumystaryna jumsalmaq.
"Bul shyǵyndar jobany ýaqtyly іske asyrý men tolyq aýqymdy qurylysqa daıyndalý úshіn qajet", — deıdі agenttіk ókіlderі.
Reseılіk «Rosatom» kompanııasy usynǵan VVER-1200 atty zamanaýı jáne synaqtan ótken reaktor úlgіsі (qýaty — 1200 MVt) qazіrgі tańda Reseı, Belarýs jáne Qytaıda jumys іstep tur. Sonymen qatar bul tehnologııany Túrkııa, Egıpet, Bangladesh pen Vengrııa da tańdap otyr.
Eske salsaq, halyqaralyq saraptama nátıjesіnde konsortsıým basshysy retіnde "Rosatom" korporatsııasy tańdalǵan. Endі onyń qatysýymen bіrlesken konsortsıým qurý jumystary bastalmaq.
Qazaqstandaǵy alǵashqy AES Almaty oblysy, Jambyl aýdanynda salynatyn boldy.