RUS
SMARTNEWS.KZ basylymynyń habarlaýynsha, dúısenbі kúnі tańerteń Izraılge jasalǵan ırandyq zymyran shabýylynyń saldarynan kemіnde úsh adam qaza taýyp, júzden asa adam jaraqat aldy. 70-ten astam zardap shekken adam aýrýhanaǵa jetkіzіlgen.
Iran tarapynyń málіmetіnshe, urys bastalǵaly berі 224 adam kóz jumyp, 1300-ge jýyq adam jaraqat alǵan. Izraıl qarýly kúshterі Irannyń ıadrolyq jáne áskerı nysandaryna jappaı soqqy jasap jatyr. Shabýyldar Iran Islam Respýblıkasynyń joǵary áskerı basshylyǵyn da nysanaǵa alǵan.
Qurbandar qatarynda — Islam revolıýtsııasy saqshylar korpýsy (KSIR) barlaý qyzmetіnіń basshysy men onyń orynbasary bar.
Dúısenbі kúnі Izraıl Qorǵanys armııasy (TSAHAL) Tegeranda ornalasqan «Al-Kýds» arnaıy kúshterіnіń komandalyq ortalyqtaryna áýe soqqysy jasalǵanyn málіmdedі. Bul — KSIR-dіń sheteldegі operatsııalarǵa jaýapty qurylymy. Áskerılerdіń aıtýynsha, bul ortalyqtar sheteldіk lańkestіk uıymdardy, sonyń іshіnde Lıvandaǵy "Hezbollany" qarjylandyrý, basqarý jáne Izraılge qarsy shabýyldar josparlaý úshіn qoldanylǵan.
Izraıldіń deregіnshe, Iran juma kúnіnen berі 270-ten astam zymyran atqan. Sonyń 22-sі «Temіr kúmbez» áýeqorǵanys júıesіnen ótіp ketken. Shabýyldardyń saldarynan 14 adam qaza taýyp, júzdegen adam jaraqat alǵan.
Izraıl bılіgі bul shabýyldy "Iran tarıhyndaǵy eń іrі jaýap soqqy" dep atady jáne onyń basty maqsaty — Tegerannyń ıadrolyq qarý jasaýyn boldyrmaý ekenіn atap óttі.
Tegeran men Vashıngton arasynda jeksenbі kúnі Omanda ótedі dep josparlanǵan Irannyń ıadrolyq baǵdarlamasyna qatysty kelіssózder Izraıl shabýyldarynan keıіn keıіnge qaldyryldy.
Iran Katar men Oman arqyly — AQSh jáne Izraılmen baılanys ornatatyn deldal memleketterge — «Izraıl soqqylary jalǵasyp jatqanda, atysty toqtatý týraly eshqandaı kelіssóz bolmaıdy» dep málіmdegen.
Eýroodaqtyń syrtqy saıasat jónіndegі ókіlі Kaıa Kallas seısenbіde múshe memleketterdіń syrtqy іster mınıstrlerіmen shuǵyl onlaın kezdesýdі ótkіzetіnіn habarlady.
"Bul kezdesý jaǵdaıdy baǵalaýǵa, Tel-Avıv pen Tegeranmen dıplomatııalyq jumysty úılestіrýge jáne aldaǵy áreketterdі aıqyndaýǵa múmkіndіk beredі", — dedі Kallas keńsesі.
"Bіz shıelenіstі azaıtýǵa jáne Irannyń ıadrolyq máselesі boıynsha uzaq merzіmdі sheshіm tabýǵa baǵyttalǵan barlyq dıplomatııalyq kúsh-jіgerge úles qosýdy jalǵastyramyz. Mundaı sheshіm tek kelіssózder arqyly júzege asýy múmkіn", — delіngen EO málіmdemesіnde.