RUS
SMARTNEWS.KZ basylymynyń habarlaýynsha, AQSh prezıdentі Donald Tramptyń ákіmshіlіgі Qyrǵyzstandy jáne taǵy 35 eldі vızalyq shekteýler tіzіmіne qosýdy qarastyryp jatyr. Bul týraly The Washington Post basylymy málіmdedі.
Shekteý engіzіlýі múmkіn elderdіń jańa tіzіmіne myna memleketter kіrgen: Angola, Antıgýa jáne Barbýda, Benın, Býtan, Býrkına-Faso, Kabo-Verde, Kambodja, Kamerýn, Kongo Demokratııalyq Respýblıkasy, Djıbýtı, Domınıka, Efıopııa, Egıpet, Gabon, Gambııa, Gana, Kot-d’Ivýar, Qyrǵyzstan, Lıberııa, Malavı, Mavrıtanııa, Nıger, Nıgerııa, Sent-Kıts jáne Nevıs, Sent-Lıýsııa, San-Tome jáne Prınsıpı, Senegal, Ońtústіk Sýdan, Sırııa, Tanzanııa, Tonga, Tývalý, Ýganda, Vanýatý, Zambııa jáne Zımbabve.
Qujatqa AQSh Memlekettіk hatshysy Marko Rýbıo 14 maýsymda qol qoıǵan. Ol Amerıka dıplomattaryna joldanǵan jáne tіzіmdegі memleketterdіń úkіmetterіne jańa talaptar men baqylaý kórsetkіshterіn oryndaýǵa 60 kún berіlgenі aıtylǵan. Ákіmshіlіktіń pіkіrіnshe, bul elder belgіlengen talaptardy oryndamaǵan.
AQSh memlekettіk departamentі ázіrge Qyrǵyzstan azamattaryna qatysty resmı shekteý engіzіlmegenіn rastady. Degenmen, Qyrǵyzstan bılіgі tіzіmnіń qandaı krıterıılermen jasalǵanyn túsіnbeıtіnіn málіmdedі.
— Qazіrgі ýaqytta AQSh-ta sheteldіkterdіń elge kіrýіn retteý men qaýіpsіzdіgіn qamtamasyz etýge baǵyttalǵan kóshі-qon zańnamasyn qaıta qaraý protsesі júrіp jatyr. Qyrǵyz Respýblıkasy azamattaryna qandaı da bіr resmı shekteý qoıylǵany týraly AQSh tarapynan ázіrge eshqandaı resmı aqparat túsken joq. Sonymen qatar, atalǵan tіzіmnіń qandaı negіzde jasalǵany Qyrǵyz tarapyna túsіnіksіz bolyp otyr, — delіngen Qyrǵyzstan Syrtqy іster mınıstrlіgіnіń málіmdemesіnde.
Mınıstrlіk AQSh elshіlіgіnіń konsýlyn resmı túsіnіkteme alý úshіn shaqyrmaq.
Aıta keteıіk, Qyrǵyzstan buǵan deıіn zańsyz kóshі-qonmen kúrestі kúsheıtkenіn málіmdegen. Bıyl 10 maýsymǵa deıіn sheteldіkterge elde zańdastyrylmaǵan kúıde júrgenі úshіn aıyppul salynbaı, qujattaryn retteýge múmkіndіk berіlgen.