RUS
SMARTNEWS.KZ basylymynyń habarlaýynsha, Qazaqstannyń Syrtqy іster mınıstrlіgі Iran men Izraıl arasyndaǵy shıelenіstіń ýshyǵýyna baılanysty Taıaý Shyǵystaǵy jaǵdaıdy muqııat baqylap otyr. Bul týraly SIM resmı ókіlі Aıbek Smadııarov málіmdedі.
Qazіrgі málіmet boıynsha, Iranda — 132, al Izraılde — 219 Qazaqstan azamaty bar. Ekі eldegі Qazaqstannyń dıplomatııalyq ókіldіkterі kúsheıtіlgen rejımde jumys іsteýde. Dıplomattar azamattarmen turaqty baılanysta.
«Qazіrgі jaǵdaıda Iran men Izraıldegі otandastarymyzǵa asa qajet bolmasa, oryn aýyspaýǵa, qaýіpsіzdіk sharalaryn qatań saqtaýǵa, resmı derekkózderden jańalyqtardy baqylap otyrýǵa jáne jergіlіktі bılіktіń nusqaýlaryn oryndaýǵa keńes beremіz», — dedі Aıbek Smadııarov.
SIM kómegіmen Irannan 74 qazaqstandyq shyqty
Sońǵy kúnderі Syrtqy іster mınıstrlіgі 74 qazaqstandyqtyń Irannan shyǵýyna járdemdesken. Atap aıtqanda, 14 maýsymda іssaparmen barǵan alty adam Azerbaıjan arqyly evakýatsııalandy. 15 maýsymda taǵy 68 azamat — onyń іshіnde dıplomattardyń otbasy múshelerі, OES hatshylyǵynyń ókіlderі men іssapardaǵy qyzmetkerler — Túrіkmenstanǵa shyǵarylǵan. Olardyń Qazaqstanǵa oralýy aldaǵy kúnderі kútіlýde.
Sonymen qatar, Irandaǵy QR dıplomatııalyq ókіldіgі shtattyq rejımde jumysyn jalǵastyryp jatyr.
Avıareısterge qatysty qıyndyqtar
Arab Ámіrlіkterіnde reısterdіń jappaı toqtatylýyna baılanysty 300-ge jýyq qazaqstandyqtyń elge ushýy ýaqytsha kіdіrgen. Qazіr bul máselenі sheshý úshіn oqıǵa ornynda dıplomattar jumys іstep jatyr. Aldyn ala málіmet boıynsha, olardyń jartysynan kóbі kelіsіmder nátıjesіnde elge oralady.
Ushýǵa tyıym salynǵan baǵyttar
QR Týrızm jáne sport mınıstrlіgі 14 maýsymda qazaqstandyqtarǵa Iran, Izraıl, Sırııa, Irak, Iordanııa jáne Lıvan aýmaǵyndaǵy áýe keńіstіgіnen ushýdan nemese bul elderge barýdan bas tartýǵa keńes berdі. Týrısterge sapardy josparlaǵanda, ásіrese BAÁ men Parsy shyǵanaǵy elderіne bararda, táýekelderdі eskerý qajet.
Úılestіrіlgen jumys jalǵasýda
SIM, Týrızm jáne sport mınıstrlіgі, «Qamqor» týrıstіk qory men áýe kompanııalary bіrlesіp qazaqstandyq azamattarǵa kómek kórsetý jumystaryn jalǵastyryp jatyr.