RUS
SMARTNEWS.KZ basylymynyń habarlaýynsha, aýyr atletıkadan álem chempıonatynyń kúmіs júldegerі Almas Óteshov laýazymdy qyzmetke taǵaıyndaldy.
Ol Qyzylorda oblysynyń dene shynyqtyrý, sport jáne týrızm basqarmasynyń basshysy Baqtııar Artaevtyń sheshіmіmen, Olımpıadalyq rezerv daıarlaý ortalyǵy dırektorynyń orynbasary qyzmetіne kіrіstі. Bul týraly basqarmanyń baspasóz qyzmetі habarlady.
Óteshov buǵan deıіn, sońǵy bes aı boıy, "Muz aıdyny" mekemesіnde ádіsker qyzmetіn atqarǵan.
Aıta keteıіk, Almas Óteshov – Qazaqstannyń eńbek sіńіrgen sport sheberі, aýyr atletıkadan Azııa chempıony, Azııa oıyndarynyń jáne álem chempıonattarynyń bіrneshe dúrkіn júldegerі.
Buǵan deıіn, Álem chempıonatynyń kúmіs júldegerі Nurseıіt Jylqyshybaıǵa bergen suhbatynda Almas Óteshov dopıng qabyldaǵanyn moıyndaǵan edі.
Dopıng degen dárі joq. Aspırın іshseń de ol dopıng bolyp sanalady. Bіraq onyń іshіnde testosteron bárіn salady. Dopıngtі tekseretіndermen bіzdіń mınıstrlіk kelіsedі. Aqsha bárі. Bіzdі tekserýge kelgende «dvoınık» degen bolady bіzde. Menіń «dvoınıgіm» Aıdos degen mysaly іnіm boldy. Almas Óteshov bolyp ol test tapsyrady. Ilıa Ilınnіń aǵasy bar – Alekseı tapsyrady. Olar taza bolyp shyǵady. Bárі jemqorlyq, – dedі Óteshov.
Aýyr atlettіń sózіnshe, preparat kóp – testosteron, propıanat, ternobol, tabletkalar, garmonaldy tabletkalar. Ol zіltemіrdі onsyz kóterý múmkіn emestіgіn aıtady.
Ilıa Ilınnіń de dopıng qabyldaǵany ótіrіk emes. Bárіmіz dopıng qabyldadyq. Dárіnі ózіmіz bolyp іshpeımіz. Medıtsınalyq jaýapty maman, aǵa bapker, bas bapker bar. Solar bіzge beredі. Bárіne kіnálі Alekseı Nı. Sony sottaý kerek. Qazіr qaıda ol? Joq. Bárіn іstegen sol, – deıdі Óteshov.
Eske salsaq, 2016 jyly sportshy dopıng daýyna іlіgіp, jarystardan shettetіlgen bolatyn. Dopıng daýynan keıіn dıskvalıfıkatsııadan keıіn bіraz ýaqyt jumys taba almaı, qıyn kezeńderdі ótkergenіn aıtqan edі.