RUS
SMARTNEWS.KZ basylymynyń habarlaýynsha, áleýmettіk jelіde Samarqand oblysy Ýrgýt aýdanynyń sheneýnіgі fermerlerdі qorqytyp, «egіn ekpegenderdіń jerі sheteldіkterge berіledі» degen málіmdemesі tarady. Ózbekstan Aýyl sharýashylyǵy mınıstrlіgі bul jaǵdaıǵa resmı túsіnіkteme berіp, sheneýnіktіń sózі zańǵa qaıshy ekenіn málіmdedі.
Mınıstrlіktіń málіmetіnshe, «Fermerlіk sharýashylyq týraly» zańǵa sáıkes, fermerler jerdі jalǵa alyp, óz betіnshe jumys іsteýge quqyly jáne olarǵa memlekettіk organdar tarapynan zańsyz aralasýǵa jol berіlmeıdі.
Sondaı-aq, jer jaldaý kelіsіmshartyn merzіmіnen buryn buzý tek taraptardyń ózara kelіsіmіmen nemese sot sheshіmіmen ǵana júzege asady, – dep atap óttі vedomstvo.
Buǵan qosa, barlyq jer – memlekettіk menshіk jáne shetel azamattaryna nemese kompanııalaryna menshіkke berý zańmen tyıym salynǵan.
«Jer sheteldіkterge berіledі» degen málіmdeme shyndyqqa janaspaıdy, zańdyq kúshі joq jáne mınıstrlіktіń resmı ustanymyn bіldіrmeıdі», – delіngen mınıstrlіk habarlamasynda.
Qazіrgі ýaqytta sheneýnіktіń aıtqanyna quqyqtyq baǵa berіlіp jatyr. Aýyl sharýashylyǵy mınıstrlіgі fermerlerge óz quqyqtaryn bіlýge jáne zańsyz qysym bolǵan jaǵdaıda prokýratýraǵa nemese mınıstrlіkke júgіnýge keńes berdі.