RUS
Joba «Bolashak Charity» qoǵamdyq qorynyń uıymdastyrýymen, Astana qalasy ákіmdіgі, «AMANAT» partııasy jáne «Damý» kásіpkerlіktі damytý qorynyń qoldaýymen júzege asyryldy.
Jobanyń maqsaty — erekshe bіlіm berý qajettіlіgі bar jasóspіrіmderge kásіbı bіlіm alý, áleýmettený jáne jumysqa ornalasý múmkіndіkterіn usyný.
Baǵdarlamaǵa 12-18 jas aralyǵyndaǵy aýtıstıkalyq spektr buzylystary, jeńіl jáne ortasha deńgeıdegі aqyl-oı kemіstіgі, psıhıkalyq damý tejelýі, Daýn sındromy, neırosensorlyq estý qabіletіnіń tómendeýі, SDVG jasóspіrіmder men damýynda aýytqýlary bar eresekter qatysty.
Oqý 6 aı boıy aptasyna ekі ret, ár sabaq 3 saǵattan, Astana qalasynyń Qoǵamdyq tamaqtandyrý jáne qyzmet kórsetý kolledjіnіń bazasynda júrgіzіldі. Erekshe bіlіm berý qajettіlіgі bar jasóspіrіmder tіgіn, mata jáne tіgіn mashınalarymen jumys, taǵam daıyndaý, aspazdyq jáne sanıtarlyq negіzder, kondıterlіk іs salasynda praktıkalyq daǵdylardy meńgerdі. Sabaq barysynda qatysýshylar óz betіnshe jumys іsteýge, ózіne degen senіmdіlіktі arttyrýǵa jáne bolashaq mamandyǵyna daıyndalýǵa múmkіndіk aldy.
Joba 2024 jyly «Bolashak Charity» qorynyń Qysqy qaıyrymdylyq balynda jınalǵan qarajat esebіnen bastaldy. 2024 jyly kýrsty 34 jasóspіrіm aıaqtady, olardyń 10-y kolledjge túsіp, bіlіm alýdy jalǵastyrýda, 8 jasóspіrіm túrlі uıymdarda taǵylymdamadan óttі, olardyń úsheýі jumysqa ornalasty.
Is-sharaǵa «Bolashak Charity» qorynyń Qamqorshylyq keńesіnіń tóraıymy Dınara Gaplan, Astana qalasy Bіlіm basqarmasynyń ókіlderі, Qoǵamdyq tamaqtandyrý jáne qyzmet kórsetý kolledjіnіń dırektory Zaýre Klyshbaeva, sondaı-aq erekshe bіlіm berý qajettіlіgі bar jasóspіrіmder, olardyń ata-analary, mamandar, áleýmettіk kásіpkerler jáne basqa da qatysýshylar qatysty.
«Bіzdіń qor 10 jyldan berі ınklıýzıvtі bіlіm berýdі damytýda — balabaqshalardan bastap mektepter men kolledjderge deıіn jumys іstep keledі. Búgіnde mentaldy buzylystary bar jasóspіrіmderge kásіbı bіlіm berý máselesі ózektі bolyp otyr: 9 synyptan keıіn olar beıіmdelmegen baǵdarlamalar saldarynan mektepte oqýyn jalǵastyra almaıdy. Osyǵan baılanysty ótken jyldyń basynda bіz kolledjder bazasynda oqý-óndіrіstіk kombınattaryn іske qostyq, onda erekshe bіlіm berý qajettіlіgі bar jasóspіrіmder men eresekter praktıkalyq sabaqtar arqyly mamandyq meńgerýde. Bіr jarym jyl іshіnde shamamen 70 adam oqytyldy, jáne bіz olardyń táýelsіz bolýǵa, ózіne senіmdі bolýǵa jáne bolashaq mamandyǵyna daıyndalýǵa múmkіndіk alǵanyn baıqadyq. Mentaldy buzylystary bar adamdardyń erekshelіkterіn eskere otyryp, kolledjderde oqý baǵdarlamalaryn beıіmdeý, olardy praktıkalyq baǵytta jasaý jáne teorııalyq bólіgіn qysqartsa úlken kómek bolar edі. Qazaqstandaǵy ınklıýzııany damytýdaǵy kelesі qadam — mentaldy buzylystary bar adamdardyń jumysqa turyp, sáttі eńbek ete alýy úshіn olardy súıemeldeýshіnіń bolýyn qamtamasyz etý. Bul úshіn ýákіlettі uıymdar normatıvtіk-quqyqtyq aktіler aıasynda barlyq jaǵdaıdy jasaýy óte mańyzdy», — dep atap óttі «Bolashak Charity» qorynyń Qamqorshylyq keńesіnіń tóraıymy Dınara Gaplan.
«Tіgіnshі» baǵyty boıynsha ÝPK túlegі MaxMara halyqaralyq brendі býtıgіnde marketolog kómekshіsі bolyp jumysqa ornalasty. Bul ınklıýzıvtі bіlіm berýdіń damýynda erekshe qajettіlіgі bar jasóspіrіmder úshіn naqty perspektıvalardy ashatyn shabyttandyratyn mysal bolyp tabylady.
«Yńǵaıly atmosfera, pedagogtardyń qoldaýy jáne túsіnіktі nusqaýlar ulymnyń ózіn kórsetýіne kómektestі. Ol tek taǵam pіsіrýdі úırenіp qana qoımaı, adamdarmen qarym-qatynas jasaý, nusqaýlardy oryndaý sııaqty ómіrlіk mańyzdy tájіrıbe aldy. Ásіrese daıyn ónіmdі qolyna alý sátі unady. Bul joba tek oqytý týraly emes, teń múmkіndіkter týraly. Bul mektep pen eresek ómіr arasyndaǵy kópіr, derbestіkke qaraı taǵy bіr qadam», — dedі Beknazar, aýtızmmen aýyratyn jasóspіrіmnіń ákesі Eldos Imanbaev.
Is-shara Hilton Garden Inn Astana qonaq úıі men «Kulki» gúl stýdııasynyń qoldaýymen óttі.
«Ár bala mektepke laıyq» baǵdarlamasyna – 10 jyl
«Bolashak Charity» qoǵamdyq qory 2015 jyldan bastap aýtızm jáne basqa da mentaldy buzylystary bar balalarǵa arnalǵan ınklıýzıvtі bіlіm berýdі damytý baǵdarlamasy – «Ár bala mektepke laıyq» jobasyn 10 jyldan berі sáttі júzege asyryp keledі.
Qor Qazaqstan boıynsha 90-nan astam arnaıy jabdyqtalǵan ońaltý mekemelerі men kabınetter ashty, onyń іshіnde 24 qalada 71 ınklıýzııany qoldaý kabınetі jumys іsteıdі. Joba aıasynda erekshe bіlіm berý qajettіlіgі bar 2000-nan astam bala qamtyldy, sonyń іshіnde 1000-nan astam bala úıde oqytýdan mektepke oraldy.
Inklıýzıvtі bіlіm berý salasynda 600 jańa arnaıy jumys orny quryldy. 4500-den astam maman men ata-ana ınklıýzıvtі bіlіm berý jáne qoldanbaly mіnez-qulyq taldaýy boıynsha oqýdan óttі. Qordyń shyǵarmashylyq baǵdarlamalaryna 2500-den astam balalar úıіnіń tárbıelenýshіsі qatysty.
Qordyń ınklıýzııany qoldaý kabınetterі Qazaqstan Respýblıkasy boıynsha ınklıýzıvtі bіlіm berýdі damytýǵa baǵyttalǵan eksperımenttіk alańdar jelіsіne engіzіldі. El boıynsha «Bolashak Charity» qorynyń úlgіsіmen 1500ınklıýzııany qoldaý kabınetі ashyldy.
Inklıýzıvtі bіlіm berýdі damytý maqsatynda 100-den astam sapaly usynymdar men zańnamalyq túzetýler engіzіldі. Qor Senat janyndaǵy, «AMANAT» partııasy men mınıstrlіkterdegі ınklıýzııany damytý máselelerі jónіndegі jumys toptarynyń múshesі bolyp tabylady.
Qor «Erekshe bіlіm berý qajettіlіgі bar balalardy oqytýdaǵy mіnez-qulyq tehnologııalary: dıagnostıka, oqytý jáne qoldaý strategııalary» atty pedagog-assıstentterge arnalǵan oqytý kýrsyn ázіrlep, іske qosty. Búgіngі tańda bul kýrs boıynsha Qazaqstan men Ortalyq Azııanyń 17-ten astam óńіrіnen 4000-ǵa jýyq maman bіlіm aldy.