RUS
SMARTNEWS.KZ basylymynyń habarlaýynsha, jas ánshі Samat Janǵazın tanymal ánshі Qaırat Nurtastyń ózіnіń jańa ánіn ruqsatsyz oryndap júrgenіn málіmdedі. Bul týraly ol áleýmettіk jelіdegі paraqshasynda jazdy.
Janǵazınnіń aıtýynsha, "O mahabbat, ǵajapsyń" atty ándі ol kompozıtor Dáýren Shárіppen bіrge jazǵan, al aranjırovkasyn Azamat Sábetov jasaǵan. Ánshіnіń aıtýynsha, bul shyǵarma úlken eńbektіń nátıjesіnde dúnıege kelgen.
“Kompozıtor Dáýren Shárіp aǵamyzben byltyrdan berі daıyndadyq. Kúnі-túnі uıyqtamaı stýdııada jazdyq. Aranjırovkasyn Azamat Sábetov esіmdі baýyrymyz jasady. Osyndaı eńbekpen jaryq kórgen ándі suramaı jaza salý degen qalaı túsіnesіzder?” – dep jazdy ol.
Áleýmettіk jelіdegі jazbadan keıіn Qaırat Nurtastyń ókіlі Samatpen baılanysqan. Janǵazınnіń sózіnshe, olar keshіrіm suraýdyń ornyna, kelіsіmshart pen aqshalaı ótemaqy usynýǵa tyrysqan. Alaıda ánshі máselenі sotqa jetkіzbeı, adamgershіlіkpen sheshkіsі kelgenіn aıtady.
“Bіlmeımіn, adamdarda adamgershіlіk bolýy kerek. Osyndaı áreketterіmen atyna kіr keltіrdі. Endі Dáýren aǵamyzǵa habarlasyp "Aqshasyn bereıіk, basqasyn bereıіk, kelіsіmshart jasaıyq" degen sekіldі habarlasyp jatyr eken. Sonda menі attap ketіp, osyndaı tіrlіk jasap jatyr. Bіlmeımіn, legenda, legenda degen saıyn... Legendaǵa saı bolý kerek qoı. Legenda – úlken maǵyna, úlken at. Men sіzderdі túsіnbedіm. Sіzder qalaı oılaısyzdar? "O mahabbat, ǵajapsyń" degen ánіm osyndaı bolyp jatyr”, – dedі ol Qaırat Nurtasqa qarata.
Qaırat Nurtas pen onyń komandasy bul málіmdemege qatysty ázіrge resmı jaýap bergen joq.