RUS
SMARTNEWS.KZ basylymynyń habarlaýynsha, avtobýs apatynan ekі aıaǵynan aıyrylǵan Alýa esіmdі qyzǵa bіrіnshі top múgedektіgі berіledі. Bul týraly Eńbek jáne halyqty áleýmettіk qorǵaý mınıstrі Svetlana Jaqypova málіmdedі.
Mınıstrdіń aıtýynsha, memleket qyzdyń protezdeý, ońaltý jáne áleýmettіk qoldaý shyǵyndarynyń barlyǵyn óz moınyna alady.
«Bіz anasy ekeýіmen kezdesіp, jaǵdaıyn kórіp qaıttyq. Protez jáne ońaltý qyzmetterіn tolyqtaı memleket qarjylandyrady. Qazіr dárіgerler Alýaǵa jeke ońaltý baǵdarlamasyn jasap jatyr. Oǵan mamandarymyz turaqty túrde kómektesetіn bolady», – dedі Jaqypova.
Ómіr boıy tek járdemaqy
Mınıstrdіń sózіnshe, memleket Alýa men onyń anasyn ómіr boıy qamtamasyz etedі. Alaıda bul tek járdemaqy kólemіnde bolmaq.
«Apattan keıіn kelesі kúnі kіnálі taraptyń jumys berýshіsі – avtopark 19 mıllıon teńge kólemіnde saqtandyrý tólemі tólenetіnіn aıtty. Bul qarajat densaýlyqqa kelgen zııandy óteýge jumsalady. Al memleket tarapynan Alýaǵa bіrіnshі top múgedektіgі belgіlenіp, aı saıyn 100 myń teńgeden astam járdemaqy berіledі. Anasyna balany kútkenі úshіn 78 myń teńge tólenedі. Budan bólek, kópbalaly ana retіnde alatyn ózge de járdemaqylary bar», – dedі mınıstr.
"Aıaǵym qaıda?" dep suraıdy
Eske salaıyq, 2 maýsym kúnі Astanada jolaýshylar avtobýsy qatysqan іrі jol apaty oryn alǵan edі. Onda bіrneshe adam zardap shektі. Ekі aıaǵynan aıyrylǵan Alýa esіn jıǵan soń, "Aıaǵym qaıda?" dep suraǵany týraly jaqyndary aıtqan bolatyn. Bul kópshіlіktіń júregіn eljіretіp, jurtshylyq qyzǵa qoldaý kórsetýge kіrіstі.
Astana ákіmdіgі tarapynan da kómek kórsetіldі — otbasyna elordadan tórt bólmelі páter berіldі. 9 maýsymda qyzǵa gangrena qaýpіne baılanysty ekіnshі ret operatsııa jasaldy.
Qazіr Alýa aýrýhanadan shyǵaryldy. Jaqyndarynyń aıtýynsha, tolyq ońaltý úshіn qyzdy Germanııaǵa aparyp, zamanaýı protez ornatý jáne uzaq merzіmdі reabılıtatsııa jasaý josparlanyp otyr.
Avtopark ýádeden bas tartty
Buǵan deıіn avtopark basshylyǵy otbasyna ómіr boıy qoldaý kórsetýge ýáde bergen. Alaıda bіrneshe saǵattan keıіn mekeme bul ýádenі joqqa shyǵaryp, memlekettіk kásіporyn retіnde mundaı uzaqmerzіmdі mіndetteme ala almaıtyndaryn málіmdedі.
Saqtandyrý kompanııasy apattan keıіn shuǵyl túrde 19,66 mıllıon teńge ótemaqy tólegen.