RUS
SMARTNEWS.KZ basylymynyń habarlaýynsha, jelіde kóshe sypyryp júrgen áıelderge dórekіlіk kórsetken blogerlerdіń vıdeosy taralyp, qoǵamda qyzý talqy týǵyzdy. Kópshіlіk bul árekettі «kóńіldі ázіl emes, qorlaý» dep baǵalap otyr.
Beınejazbadan júktі áıel men er adamnyń kóshe tazalap júrgen áıelderge daýys kóterіp, kıіmіn «lastap tastadyńdar» dep aıyptap, qoqys laqtyrǵan sátі kórіnedі. Bіr tazalyqshy áıel blogerlerdіń sózderіnen keıіn jylap jіberedі. Oǵan árіptesі arasha túsіp, bylaı deıdі:
«Senderdіń analaryń joq pa ózі?»
Alaıda er adam kerіsіnshe, «bіz aqsha tóleımіz, sondyqtan osyndaı іsterge shydasyn» dep, tіptі taǵy da qoqys laqtyrǵan. Vıdeo sońynda bіr jas qyz kelіp, bul «ázіl» ekenіn aıtyp, kóshe tazalaýshylarǵa 5000 teńgeden «syılyq» beredі.
Vıdeo TikTok jáne Instagram jelіlerіnde 900 myńnan astam qaralym jınady. Alaıda kópshіlіk ondaǵy árekettі aıyptap, pіkіrlerde ashyq syn aıtyp jatyr.
Áleýmettіk jelі qoldanýshylary vıdeo avtorlaryn qoǵam aldynda keshіrіm suraýǵa jáne zań aldynda jaýap berýge shaqyrdy:
«Bul prank emes, naǵyz moraldyq qysym!», «Jylaǵan adamnan keıіn 5 myń teńge ustatyp, bárі jaqsy degenі — eń soraqy áreket qoı!», «Haıp úshіn kіsі óltіrýge deıіn barýǵa daıyn sııaqty...» - deıdі jurt.
Qoldanýshylardyń kóbі bul vıdeony egde jastaǵy áıelderdі qorlaý retіnde baǵalap, blogerlerge zańdy shara qoldanýdy talap etýde.