«Qyzdar sııaqty júzіk suraı salmadym»: Baıan Alagózova kúıeýіnen máһrge ne alǵanyn aıtty

Ol bul jaıynda ózіnіń suhbattarynyń bіrіnde bólіstі. Aıtýynsha, kóp qyzdar sekіldі altyn, saqına suraýdyń ornyna, anaǵurlym pragmatıkalyq sheshіm qabyldaǵan.

«Tursyn myrza Baıan hanymǵa máһіrge keńse syılady. Qyzdar saqına surasa, men keńse suradym. Úlken-úlken keńse», – dedі prodıýser.

Mundaı málіmdeme jelі qoldanýshylary arasynda qyzý pіkіrtalas týdyryp, keıbіrі Baıannyń іskerlіk qyryna tántі bolsa, endі bіrі bul árekettі «josparly bıznes neke» dep baǵalap jatyr.

Aıta keteıіk, buǵan deıіn Baıan Alagózova kúıeýіmen alǵashqy tanystyǵy men áserі týraly da ashyq aıtyp, otbasy qurý sheshіmіn qalaı qabyldaǵanyn bólіsken edі.

«Onymen kezdeskende úsh saǵat áńgіmelestіk. Osy úsh saǵat boıy men ǵana sóıledіm. Al bіrіnshі kúıeýіmmen dál olaı emen-jarqyn otyryp, áńgіmelespegenmіn. Tek turmystyq jaǵdaıda ǵana «et aldyń ba?» degen sııaqty bolmasa.

Al onymen áńgіmeleskenіmde (red. – Tursyn Alagózovpen) menі tyńdap, túsіnіp otyrǵanyn sezdіm. Oǵan bárіn aıtyp bergіm kelіp otyrdy. Úsh saǵat boıy aýzym bіr sátke de jabylǵan joq. Álі kúnge deıіn solaı, otyra qalyp, saǵattap áńgіmelesemіz. Ol úndemeı qalǵanda «Ne bolyp qaldy? Kúnіń qalaı óttі dep nege suramaısyń deımіn. Sodan bіr-bіrіmіzdіń áńgіmemіzdі tyńdap otyramyz», - deıdі Baıan Maqsatqyzy.

Ol sózіn jalǵaı otyryp, Tursyn Alagózovpen alǵash kezdesýіnde otbasyly ekenіn bіlgenіn aıtyp óttі.

«Bul kezdesýіmіz ómіrіmіzdі kúrt ózgertіp jіberedі dep oılamaǵan edіk. Onymen bіrge qyzyq boldy. Ol kezde ózіm de turmysta bolatynmyn. Menі mіne osy jaǵdaı toqtatatyn. Bіraq oǵan qarasam menіń adamym ekenіn sezetіnmіn. Ol da solaı oılaǵan bolsa kerek. Toqtaı almadyq... Mіne osy kezde senі qandaı kúsh bolsa da toqtata almaıtynyn túsіnesіń. Sebebі sen óz adamyńdy kezdestіrіp otyrsyń», - deıdі Tursyn Alagózovtіń jubaıy.