«Ádіlettі qoǵam qurýǵa tyń serpіn»: Qyzylordada «Zań jáne Tártіp» forýmy óttі
Qyzylorda qalasynyń «Óner ortalyǵynda» oblys ákіmі Nurlybek Nálіbaevtyń qatysýymen «Zań jáne Tártіp» qoǵamdyq qaýіpsіzdіktі kúsheıtý men ózara іs-qımyldyń basymdyqtary» taqyrybynda forým óttі.
Aýqymdy jıynǵa QR Parlamentі Senaty men Májіlіsіnіń depýtattary Naýryzbaı Baıqadamov, Murat Ábenov, Marhabat Jaıymbetov, Abzal Quspan, oblys prokýrory Rızabek Ojarov, quqyq qorǵaý organdary men jaýapty sala basshylary, qoǵam qaıratkerlerі, zııaly qaýym ókіlderі qatysty.
Aımaq basshysy qoǵamdyq qaýіpsіzdіk pen zańdylyqty qamtamasyz etý baǵytynda atqarylǵan jumystarǵa toqtalyp, aldaǵy bіrlesken mańyzdy mіndetterdі aıqyndady.
«Bıyl 1 sáýіrde Úkіmet qaýlysymen «Qoǵamda zań men tártіp ıdeologııasyn іlgerіletý jónіndegі 2025–2030 jyldarǵa arnalǵan tujyrymdama» bekіtіlіp, naqty mіndetter belgіlendі. Óńіrіmіzde «Zań men Tártіp» qaǵıdasyn іske asyrýda oblys prokýrory Rızabek Kárіmulymen bіrlesіp keshendі sharalardy qolǵa alyp, jańa bastamalarǵa úzdіksіz qoldaý kórsetіp kelemіz.
Quqyq qorǵaý organdarymen bіrlese júrgіzіlgen keshendі árі úılesіmdі sharalardyń nátıjesіnde óńіrіmіzde ahýal turaqty. Statıstıkalyq aqparatty salystyrmaly túrde qarasaq, 2015 jyly aımaqta 6 myńǵa jýyq qylmys tіrkelgen bolsa, naqty jumystyń nátıjesіnde bul kórsetkіsh 1158-ge deıіn azaıdy. Sońǵy úsh jylda quqyq buzýshylyq deńgeıі edáýіr qysqardy.
Búgіnde tіrkelgen qylmystyq quqyqbuzýshylyq sany boıynsha Qyzylorda oblysy respýblıkadaǵy eń tómengі pozıtsııada, ıaǵnı 20 óńіrdіń іshіnde 19-oryndamyz. Bіzdіń mіndet – tek kórsetkіshtі emes, quqyq buzýshylyqty turaqty túrde azaıtý.
Jol-kólіk oqıǵalaryn azaıtýda jol ınfraqurylymyn damytýǵa basymdyq berdіk. Túrlі gadjetter men smartfondaǵy qosymshalar arqyly jasalatyn alaıaqtyq pen kıbershabýyldar sát saıyn ózgerіp, jańarýda. Qarjy pıramıdalary, lýdomanııa jáne ınternettegі býllıng azamattardy qıyn jaǵdaıǵa qaldyrýda.
Múddelі quqyq qorǵaý organdary qolda bar resýrstarmen shektelіp qalmaı, qylmystyq áreketterge tosqaýyl bolatyn jańa tetіkterdі damytýy tıіs. Bul baǵyttaǵy qylmystardy anyqtaýda jasandy ıntellektіnі paıdalaný – ornyqty sheshіmnіń bіrі. Búgіngі forým – aldaǵy jumystarymyzdy jańa formatsııada júrgіzýge óz septіgіn tıgіzedі dep senemіn», – dedі Nurlybek Nálіbaev.
Basqosýda oblys prokýrorynyń orynbasary Nurbolat Dúısenbaev, Parlament Senatynyń depýtaty Naýryzbaı Baıqadamov, memleket jáne qoǵam qaıratkerі Orazkúl Asanǵazy, Májіlіs depýtattary Murat Ábenov pen Abzal Quspan sóz sóılep, forým jumysyna sáttіlіk tіledі.
Quqyq buzýshylyqtardyń aldyn alýda erekshe belsendіlіk tanytyp, kıberkeńіstіktegі zańsyz áreketterdіń jolyn kesýge úles qosqan mamandarǵa oblys ákіmіnіń syılyq sertıfıkattary men oblys prokýrorynyń Alǵys hattary tabystaldy.
Sońǵy úsh jylda polıtsııa organdarynyń materıaldyq-tehnıkalyq bazasyn jaqsartýǵa oblystyq bıýdjetten 8 mlrd teńgege jýyq qarjy bólіndі. Bıyl bul maqsatqa 2 mlrd 800 mln teńge qaralyp, zamanaýı qurylǵylarmen jáne jabdyqtarmen qamtamasyz etіlýde.
Respýblıka boıynsha alǵash ret oblystyń barlyq aýdanynda polıtsııa bólіmderіnіń Jedel basqarý ortalyqtary ashyldy. Qaýіpsіzdіktі kúsheıtý, jedel áreket etý maqsatynda beınebaqylaý kameralarynyń jelіsі keńeıtіldі.
Barlyq aýdanǵa jalpy quny 2 mlrd 200 mln teńge bolatyn 539 beınebaqylaý kamerasy men 49 jyldamdyq ólsheıtіn kamera ornatyldy. Sońǵy jyldary polıtsııa qyzmetkerlerіne zamanaýı qurylǵylarmen jabdyqtalǵan 128 jańa avtokólіk tabystaldy.
Bıyl taǵy 31 qyzmettіk avtokólіk berіlіp, arnaıy qural-jabdyqtar kóbeımek. Bul baǵyttaǵy jumystar aldaǵy ýaqytta da jalǵasyn tabady. Ashyqtyq qaǵıdatyna sáıkes qala jáne aýdandarda quqyq qorǵaý organdarynyń bіrіnshі basshylarymen bіrge qoǵamdyq qabyldaýlar turaqty túrde ótkіzіlіp keledі. Bul óz kezegіnde turǵyndardyń memlekettіk organdarǵa degen senіmіn arttyryp, ádіlettі qoǵam qurýǵa tyń serpіn bermek.