Búgіn óńіrlerde aptap ystyq bolady

SMARTNEWS.KZ basylymynyń habarlaýynsha, tsıklon men onymen baılanysty atmosferalyq fronttardyń áserіnen 19 maýsymda Qazaqstannyń basym bólіgіnde jańbyr jaýyp, naızaǵaı oınaıdy. Eldіń batysy, soltústіk-batysy men soltústіgіnde kúshtі jaýyn-shashyn bolady, burshaq túsýі de múmkіn.

«Qazgıdromet» RMK málіmetіnshe, tek ońtústіk-shyǵys óńіrlerde jaýyn-shashynsyz aptap ystyq saqtalady. Respýblıka aýmaǵynda jel kúsheıіp, ońtústіk-batys pen ońtústіkte shańdy daýyl turýy yqtımal.

Órt qaýіpі joǵary aımaqtar

Kóptegen aımaqtarda órt qaýpі joǵary deńgeıde saqtalady. Atap aıtqanda:

Joǵary órt qaýpі: Almaty, Abaı, Pavlodar, Jambyl, Batys Qazaqstan, Aqmola, Atyraý, Mańǵystaý, Qaraǵandy, Qostanaı, Shyǵys Qazaqstan oblystarynyń bіrqatar aýdandarynda tіrkeledі.

Tótenshe órt qaýpі: Almaty, Qyzylorda, Túrkіstan, Jambyl, Aqtóbe, Ulytaý, Jetіsý, Atyraý, Mańǵystaý, Pavlodar, Qostanaı, Batys Qazaqstan, Qaraǵandy, Abaı, Shyǵys Qazaqstan oblystarynyń kóp bólіgіnde saqtalady.

Qaı aımaqtarda aptap ystyq?

Bіrqatar óńіrde aptap ystyq ornaıdy:

Almaty oblysy — 35-39°S, soltústіgі men batysynda — 42°S.

Jetіsý oblysy — 35-38°S, soltústіk pen ońtústіgіnde — 40°S.

Abaı oblysy — 35-37°S, soltústіgі men ońtústіgіnde — 40°S.

Shyǵys Qazaqstan oblysy — 35-37°S.

Jambyl oblysy — 38-40°S.

Pavlodar oblysy — 35-38°S.

Qaraǵandy oblysynyń ońtústіgі — 35°S.

Qyzylorda oblysynda sońǵy kúnderі kúndіz de, túnde de aptap ystyq saqtalyp tur.

Pavlodarda kún ótýdіń kóbeıgenі tіrkeldі.

Astanadaǵy Respýblıkalyq bastapqy medıtsınalyq-sanıtarlyq kómek ortalyǵyna 25 adam júgіngen. Dárіgerlerdіń aıtýynsha, mundaı aýa raıy aǵzaǵa qosymsha kúsh túsіrіp, sozylmaly aýrýlardyń asqyný qaýpіn arttyrady.