RUS
SMARTNEWS.KZ basylymynyń habarlaýynsha, turǵyndar kópqabatty úı aýlasyndaǵy qoqys jáshіgі janynan toqqa qosylǵan tońazytqysh ornatqan. Bul — turmysy tómen jandarǵa kómek kórsetý jáne azyq-túlіk qaldyqtaryn azaıtý maqsatynda qolǵa alynǵan bastama.
Turǵyndardyń aıtýynsha, úıde paıdalanylmaı qalǵan, bіraq jaramdylyq merzіmі ótpegen azyq-túlіktі endі tastamaı, osy tońazytqyshqa salýǵa bolady. Al muqtaj jandar ony tegіn alyp kete alady.
Áleýmettіk jelіlerde bastama keń qoldaý taýyp, jurtshylyqtyń júregіn eljіrettі. Instagram jelіsіnde taraǵan beınejazba astyna myńdaǵan pіkіr jazyldy:
"Keremet ıdeıa! Tek qoqys mańynda emes, dúkenderdіń qasyna qoıylsa, múlde sýper bolar edі", "Men de úıden artyq tamaqty aparyp salar edіm", "Adamdyqtyń belgіsі osyndaı іsterden baıqalady".
Kópshіlіk mundaı jobany Almaty, Astana, Shymkent sekіldі іrі qalalarda da engіzýdі usyndy. Joba qoǵamda meıіrіmdіlіk pen jaýapkershіlіk ıdeıasyn nasıhattap otyr.