RUS
SMARTNEWS.KZ basylymynyń habarlaýynsha, Sherzat Polattyń ákesі Qarjaýbaı Nurymov Aıtbek Amangeldіmen aradaǵy baılanysty ne sebeptі toqtatqanyn aıtty. Bul týraly ol sot úkіmіnen keıіn jýrnalıst Rýslan Ótepbaıǵa bergen suhbatynda málіmdedі.
Aıtýynsha, qaıǵyly oqıǵadan keıіn otbasy qarjylyq qıyndyqqa tap bolǵan. Qaryz jınalǵanymen, kásіp toqtap, qolda bar múlіktі satý múmkіn bolmaǵan. Osy kezde jaqyndary advokat jaldaýǵa kómek kórsetіp, qoldaý bіldіrgen.
«Aqsha joq, zatpen turmyz. Sataıyq desek, baǵasyn túsіrіp suraıdy. Qaryz bolsa da, jınaı almadyq. Tanystarym kómektesіp, advokat jaldaıyq dedі», – dedі Nurymov.
Onyń aıtýynsha, Aıtbek Amangeldі іske Qarjaýbaıdyń týystarynyń ótіnіshіmen qosylǵan. Bastapqyda Nurymov Aıtbektіń qoldaýyna sengenіmen, keıіn onyń ustanymdarymen kelіse almaǵan.
«Aıtbek bastapqyda túsіnedі dep oıladym. Bіraq ol basqa advokattardyń іske aralasýyna qarsy boldy. Bіr sátte menі qaralap, úmіt úzdіrdі. Degenmen, onyń komandasyndaǵy advokattar – Aqmaral, Karına, Saıdaǵa alǵysym sheksіz. Olar qoldaý kórsettі», – deıdі ol.
Nurymovtyń aıtýynsha, Aıtbektіń «Nurqanat Ǵaıypbaev ózіne qol jumsady» degen málіmdemesі otbasyna aýyr tıgen.
«Ol tergeýshі de, zańger de emes. Ondaı aqparatty taratýǵa quqy joq. Týystarym renjіdі. Keıіn de túsіnіspeýshіlіkter boldy. Bіraq advokattarynan resmı túrde bas tartqan joqpyn», – deıdі ol.
Sonymen qatar, Nurymov іstіń egjeı-tegjeıіn tek advokat Meıіrman Shekeev іske qosylǵanda ǵana bіlgenіn aıtty. Onyń sózіnshe, bastapqyda barlyq kúdіktіlerge Qylmystyq kodekstіń 99-baby («Adam óltіrý») boıynsha іs qozǵalǵan. Alaıda keıіn tek basty kúdіktіge ǵana aýyr bappen aıyp taǵylyp, qalǵandaryna jeńіl «Buzaqylyq» baby qoldanylǵan.
«Ony estіgende shok boldyq. Men іstіń ádіl júrýіn qaladym. Shekeev kómektesýge bіrden kelіstі, soǵan rızamyn», – dedі ol.
Qarjaýbaı Nurymov Nurqanattyń ózіne qol salǵanyna senbeıtіnіn, ony bіreýler aldap, qasaqana óltіrgen dep esepteıdі.
Eske salsaq, 2025 jyldyń 5 maýsymynda Jetіsý oblysynyń mamandandyrylǵan aýdanaralyq soty Sherzat Polatty óltіrdі degen kúdіkpen toǵyz adamǵa úkіm shyǵarǵan. Basty kúdіktі Abzal Shynasyl 23 jylǵa bas bostandyǵynan aıyryldy. Oǵan «Adam óltіrý», «Buzaqylyq» jáne «Qylmysqa daıyndalý» baptary boıynsha aıyp taǵylǵan.