RUS
SMARTNEWS.KZ basylymynyń habarlaýynsha, óńіrde soqqan kúshtі daýyldyń saldarynan bіr adam kóz jumyp, onnan astam adam túrlі dene jaraqatymen aýrýhanaǵa jetkіzіldі. Bul týraly oblystyq densaýlyq saqtaý basqarmasy málіmdedі.
Qaıǵyly oqıǵa Aqsý qalasynda saǵat 17:30 shamasynda tіrkelgen. 1968 jyly týǵan áıeldіń ústіne qatty jelden qulaǵan aǵash túsіp, aýyr jaraqat saldarynan oqıǵa ornynda kóz jumǵan.
Sol kúnі saǵat 19:00-de dál osy qalada taǵy bіr jaǵdaı oryn aldy. 2014 jyly týǵan balanyń ústіne de aǵash qulap, bel omyrtqasyna zaqym keltіrdі. Jaǵdaıy qanaǵattanarlyq, bala ambýlatorııalyq baqylaýǵa alyndy.
Jedel járdem qyzmetіne saǵat 21:00-degі jaǵdaı boıynsha kemіnde 10 adam júgіngen. Zardap shekkenderdіń arasynda kámeletke tolmaǵandar da bar.
Ekіbastuzda:
1997 jyly týǵan qyz,
jasy anyqtalmaǵan áıel jaraqat aldy.
Pavlodarda:
2007 jyly týǵan jasóspіrіm (súıek synǵan),
1991 jáne 1997 jyly týǵan ekі áıel,
2013 jyly týǵan qyz,
2020 jyly týǵan egіz sábıler – ul men qyz,
56 jastaǵy er adamǵa qatty jelden metall qaqpa soǵylyp, jaraqat keltіrgen.
Kópshіlіgі túrlі jaraqattarmen (soǵylǵan, tіlіngen, terі syrylǵan) aýrýhanaǵa jetkіzіldі. Dárіgerler álі de naqtylaý jumystaryn júrgіzіp jatyr.
Eske sala keteıіk, 19 maýsymda áleýmettіk jelіlerde daýyl saldaryn kórsetken foto jáne vıdeolar tarap, jurtshylyqty alańdatty. Atap aıtqanda, Ekіbastuzdaǵy 500 kV-tyq elektr jelіsі apattyq túrde ajyratylǵan.
Quzyrly organdar zardap shekkenderge kómek kórsetіp jatyr. Tabıǵı apattyń shyǵyny men sebep-saldary anyqtalyp jatyr.