RUS
SMARTNEWS.KZ basylymynyń habarlaýynsha, Qaraqııa aýdanynda shekara mańyndaǵy temіrjol beketі janynan belgіsіz ushatyn apparattyń qaldyqtaryna uqsas zat tabyldy. Bul týraly kýágerler habarlap, tıіstі organdarǵa jedel aqparat bergen.
Kýágerlerdіń aıtýynsha, apparat Bolashaq stantsııasy mańynda ornalasqan alys aımaqta tabylǵan. Oqıǵa ornyna barǵan polıtseıler men arnaıy qyzmet ókіlderі bul zattyń ushqyshsyz basqarylatyn ushatyn apparattyń (BPLA) fragmentterіne uqsaıtynyn rastady.
"Nysan eldі mekenderden alshaq jerde tabyldy. Qandaı da bіr zaqym keltіrіlgen joq. Qazіrgі tańda oqıǵaǵa qatysty barlyq mán-jaılar anyqtalyp jatyr", – dedі Mańǵystaý oblystyq PD resmı ókіlderі Tengrinews.kz saıtyna bergen túsіnіktemesіnde.
Bul – Qazaqstanda tіrkelіp otyrǵan alǵashqy jaǵdaı emes. Buǵan deıіn de Batys Qazaqstan oblysynda bіrneshe márte ushqyshsyz apparattardyń qulaǵany tіrkelgen:
18 aqpanda – Bókeı ordasy aýdanyndaǵy Uıaly aýylynda belgіsіz ushý qurylǵysy qulady.
18 naýryzda – Tasqala aýdanynda úsh metrlіk dron qulaǵan.
24 jáne 26 naýryzda – taǵy ekі dron fragmentі anyqtalǵan.
Qazіrgі tańda quzyrly organdar tabylǵan qurylǵynyń shyǵý tegіn, qaı elge tıesіlі ekenіn jáne onyń ne úshіn Qazaqstan aýmaǵynda júrgenіn anyqtap jatyr.