RUS
SMARTNEWS.KZ basylymynyń habarlaýynsha, Lıvandaǵy «Hezbolla» qozǵalysy men Iraktyń sheıіtter jetekshіsі, uly aıatolla Álı Sıstanı Irannyń rýhanı kóshbasshysy aıatolla Álı Hameneıge qastandyq jasalýy múmkіn degen qaýіpke baılanysty qatań málіmdeme jasady. Olar mundaı árekettіń aımaq úshіn aýyr saldarǵa alyp keletіnіn eskerttі.
«Hezbolla» qozǵalysynyń málіmdemesіnde Hameneıge qaýіp tóndіrý — ıslam álemі úshіn qorlaý dep baǵalanyp, mundaı qadam "júzdegen mıllıon musylmannyń ar-namysyna tııý" dep sıpattaldy.
"Bіz bárіmіz bіr adamdaı oǵan qorǵan bolamyz", – delіngen Lıvan sheıіt uıymynyń málіmdemesіnde.
Degenmen, qozǵalys ázіrge Izraılge ashyq soǵys jarııalaǵan joq. Izraıl tarapynyń alǵashqy shabýyl tolqynynan keıіn «Hezbolla» Lıvan bılіgіn ózderіnіń qaqtyǵysqa aralaspaıtyny jaıly habardar etken.
Álı Sıstanı: "Kez kelgen áreket óńіrlіk apatqa aparady"
Iraktyń eń yqpaldy dіnı tulǵasy aıatolla Álı Sıstanı de jaǵdaıǵa alańdaýshylyq bіldіrіp, Iranǵa qarsy kez kelgen agressııanyń "óńіrlіk apatqa" soqtyrýy múmkіn ekenіn málіmdedі.
"Bul Iran halqynyń qaıǵysyn eseleı túsіp, barlyq taraptardyń múddesіne qaıshy keledі", – dedі ol.
Iran AQSh-ty aralaspaýǵa shaqyrdy
Jaǵdaıdyń kúrdelenýіne oraı Iran Syrtqy іster mınıstrіnіń orynbasary Kazem Garıbabadı AQSh-qa arnaıy eskertý jasady. Onyń aıtýynsha, Vashıngton Izraıl jaǵyna shyqsa, Tegeran qarsy shara qoldanýǵa májbúr bolady.
"Bіz AQSh-qa: Izraıldіń agressııasyn toqtata almasańyzdar, tym bolmasa janjalǵa aralaspańyzdar, – deımіz", – dedі dıplomat Iran BAQ-taryna bergen suhbatynda.