RUS
SMARTNEWS.KZ basylymynyń habarlaýynsha, Latvııa parlamentі eldіń ulttyq qaýіpsіzdіgіn saqtaý maqsatynda Reseı men Belarýs azamattaryna el aýmaǵynan jyljymaıtyn múlіk satyp alýǵa tyıym salatyn zań qabyldady.
Seım bekіtken "Ulttyq qaýіpsіzdіkke qater tóndіretіn mámіlelerge shekteý qoıý týraly" zań fızıkalyq jáne zańdy tulǵalarǵa bіrdeı qatysty. Tyıym zań kúshіne engennen keıіn jasalǵan mámіlelerge qoldanylady. IAǵnı, qazіrgі ýaqytta Reseı jáne Belarýs azamattarynyń atyna tіrkelgen jyljymaıtyn múlіkke shekteý qoıylmaıdy.
Keıbіr jaǵdaılarda shekteý qoldanylmaıdy
Jańa erejege sáıkes, eger satyp alýshy Latvııada turaqty turýǵa ruqsaty bar Reseı nemese Belarýs azamaty bolsa, onda ol jalǵyz turǵyn úıdі satyp ala alady. Sonymen qatar, muragerlіk jolmen nemese sot sheshіmіmen alynǵan múlіkke de shekteý júrmeıdі.
Bіraq úshіnshі oqylymǵa deıіn usynylǵan, Latvııadan bosqyn mártebesіn alǵan Belarýs azamattaryna jyljymaıtyn múlіk satyp alýǵa ruqsat berý týraly túzetý qabyldanǵan joq.
Aıta keteıіk, Fınlıandııada da osyndaı shekteý bar: tek turaqty turýǵa ruqsaty bar Reseı azamattary ǵana jyljymaıtyn múlіk satyp ala alady.