RUS
SMARTNEWS.KZ basylymynyń habarlaýynsha, Qazaqstan túrmesіnde sottalýshy Starlink ornatyp, ınternet arqyly esіrtkі saýdasyn basqarǵan.
Qazaqstanda sottalǵan azamat kolonııa aýmaǵyna zańsyz túrde Starlink spýtnıktіk ınternetіn ornatyp, ınternet arqyly esіrtkі bıznesіn uıymdastyrǵan. Bul aqparatty Ishkі іster mınıstrіnіń orynbasary, Qylmystyq-atqarý júıesі komıtetіnіń tóraǵasy Abaı Qaıyrbekov rastady.
«Qazіr atalǵan faktі boıynsha tergeý amaldary júrgіzіlýde. Jaýapty laýazymdy tulǵalarǵa qatysty qatań tártіptіk sharalar qoldanyldy. Mekeme men departamenttіń basshylary qyzmetіnen bosatyldy. Sonymen qatar, kіnálі іshkі іster organdary qyzmetkerlerі jumystan shyǵaryldy», — dedі komıtet tóraǵasy.
Mınıstrlіk málіmetіnshe, kolonııa basshysynyń orynbasary men jedel rejımdіk bólіm qyzmetkerlerі de laýazymynan ketken.
Buǵan deıіn áleýmettіk jelі men BAQ betterіnde sottalýshynyń túrme aýmaǵyna Starlink qurylǵysyn ornatyp alǵany, sol arqyly ınternetke qosylyp, zańsyz esіrtkі saýdasyn onlaın túrde basqarǵany týraly aqparat taraǵan edі.
Qazіrgі ýaqytta bul іske qatysty tergeý jalǵasyp jatyr, al komıtet ókіlderі barlyq mán-jaıdy anyqtaýǵa ýáde berіp otyr.