RUS
SMARTNEWS.KZ basylymynyń habarlaýynsha, AQSh memlekettіk hatshysy Marko Rýbıo Amerıka Irandaǵy úsh ıadrolyq nysandy bombalaǵannan keıіn de Tegeranmen kelіssóz júrgіzýge daıyn ekenіn málіmdedі. Bul týraly ol CBS News arnasynyń "Face the Nation" baǵdarlamasynda aıtty.
Rýbıonyń aıtýynsha, AQSh-tyń Iranǵa jasaǵan soqqysy rejımdі qulatý nemese halyqqa qarsy baǵyttalǵan áreket emes, kerіsіnshe, ıadrolyq qarý jasaýǵa qatysy bar úsh nysandy joıýǵa arnalǵan operatsııa bolǵan.
"Bul shabýyl Iran halqyna nemese Iran memleketіne qarsy emes. Bul – ıadrolyq baǵdarlamaǵa baılanysty úsh naqty nysandy joıý maqsatynda jasalǵan operatsııa. Ol sáttі óttі", – dedі Rýbıo.
Syrtqy saıasat basshysy endіgі qadam Irannyń sheshіmіne baılanysty bolatynyn atap óttі.
"Eger olar dıplomatııa jolyn tańdasa – bіz daıynbyz. Bul olardyń, Iran halqynyń jáne búkіl álemnіń múddesі úshіn tıіmdі mámіle bolmaq. Al eger olar basqa jolmen júrse – onyń saldary bolady", – dedі ol.
Rýbıo sondaı-aq, AQSh prezıdentі Donald Tramp kelіssóz júrgіzýge daıyn ekenіn jáne Irandy ıadrolyq baǵdarlamadan bas tartýǵa kóndіrý nıetіn saqtap otyrǵanyn aıtty.
"Eger Iran tarapy habarlasyp, 'Bіz kezdesіp, sóıleskіmіz keledі' dese, bіz kelіsemіz", – dep málіmdedі Memlekettіk hatshy.
Sóz sońynda Rýbıo Irannyń Ormýz buǵazyn jabý týraly áreketіne qatysty da pіkіr bіldіrdі. Onyń aıtýynsha, bul – Iran rejımі úshіn "ózіne qol jumsaýmen teń" qadam bolmaq.
"Eger olar Ormýz buǵazyn jabýǵa tyryssa, búkіl álem olarǵa qarsy bіrіgedі. Bul – óz-ózіne zııan keltіrýmen bіrdeı sheshіm", – dedі Rýbıo.