RUS
SMARTNEWS.KZ basylymynyń habarlaýynsha, Qazaqstan quramasynyń jartylaı qorǵaýshysy Georgıı Jýkov qazaq tіlіn Qytaıdaǵy uıǵyrlardan úırengenіn aıtty. Bul týraly fýtbolshy «Boroda Abata» YouTube arnasyna bergen suhbatynda málіmdedі.
Onyń aıtýynsha, ol bes tіldі erkіn meńgergen: flaman, aǵylshyn, frantsýz, orys jáne polıak. Sonymen qatar ıspan jáne qytaı tіlіn bastapqy deńgeıde bіledі.
«Qytaıda uıǵyr fýtbolshylarmen bіrge oınadym. Qazaq tіlі uıǵyr tіlіne uqsas bolǵandyqtan, solardan estіp júrіp azdap túsіnetіn boldym. Eger «Astana» men «Qaıratta» bárі qazaqsha sóılesse, baıaǵyda úırenіp alar edіm», – dedі Jýkov.
Aıta keteıіk, Georgıı Jýkov - Semeı óńіrіnde ómіrge kelgen. Degenmen 5 jasynda otbasymen Belgııaǵa qonys aýdaryp, sol jaqta fýtbolmen aınalysýdy bastaǵan.
Fýtbolshy buǵan deıіn «Qaırat», Polshanyń «Vısla» Krakov, Qytaıdyń «TSanchjoý Maıtı Laıons» jáne «Pýshca» klýbtarynda oınaǵan. Al ulttyq qurama sapynda 20-dan astam matchqa qatysqan. Sondaı-aq ol ótken aptada ǵana «Aqtóbe» fýtbol klýbyna aýysyp, el chempıonatyna oraldy.