RUS
SMARTNEWS.KZ basylymynyń habarlaýynsha, AQSh Kongresі ókіlі Aleksandrııa Okasıo-Kortes prezıdent Donald Tramptyń Iranǵa soqqy jasaý sheshіmіn Konstıtýtsııany óreskel buzý dep baǵalap, bul ımpıchment úshіn aıqyn negіz ekenіn aıtty. Bul týraly saıasatker áleýmettіk jelіde jazdy.
«Prezıdenttіń Kongresten ruqsat almaı Irandy bombalaýy – Konstıtýtsııa men soǵys ókіlettіkterіn óreskel buzý. Ol ımpýlsıvtі túrde soǵys bastaýǵa jaqyn qaldy, bul eldі bіrneshe urpaqqa sozylatyn tyǵyryqqa tіreýі múmkіn. Bul – ımpıchmentke naqty jáne absolıýttі negіz», – dedі Okasıo-Kortes.
Sáýіr aıynyń basynda Demokratııalyq partııa ókіlі El Grın de Trampqa ımpıchment jarııalaý bastamasynkótergen bolatyn. Ol prezıdenttі "mundaı laýazymdy ıelenýge laıyq emes" dep sanaıtynyn ashyq aıtty.
Keıіnіrek taǵy bіr demokrat, Shrı Tanedar, ımpıchment protsedýrasyn resmı túrde bastaǵanyn habarlady. Ol prezıdenttі bılіktі asyra paıdalandy jáne Konstıtýtsııany buzdy dep aıyptap otyr.
Axios portalynyń málіmetіnshe, Tramp komandasy múmkіn bolatyn úshіnshі ımpıchment protsesіne daıyndalyp jatyr. Bul protsess kelesі jyly demokrattar Ókіlder palatasyn baqylaýǵa alsa, júzege asýy múmkіn.
Tramp Iranǵa soqqy jasady
Aıta keteıіk, AQSh áskerі Irannyń úsh ıadrolyq nysanyna soqqy jasady. B-2 Spirit strategııalyq bombalaýshy ushaqtary Natanz, Fordo jáne Isfahan qalalaryndaǵy obektіlerdі nysanaǵa aldy.
Prezıdent Tramp bul shabýyldy Irannyń ıadrolyq áleýetіn shekteý maqsatynda jasalǵanyn aıtyp, eger Tegeran tarapynan agressııa jalǵassa, jańa soqqylar jasalatynyn eskerttі.