RUS
SMARTNEWS.KZ basylymynyń habarlaýynsha, Qazaqstan Respýblıkasy Bas prokýrorynyń orynbasary Jandos Ómіrálıev áleýmettіk jelіlerde jarııalanǵan málіmetter men jýrnalıstіk zertteýlerge quqyq qorǵaý organdarynyń qalaı áreket etetіnі týraly pіkіr bіldіrdі. Bul týraly ol Kazinform agenttіgіnіń BIZDIÑ ORTA podkastynda aıtty.
«Qazіr kez kelgen quqyq qorǵaý organynyń áreketі nemese qujattary áleýmettіk jelіlerge shyǵyp, túrlі pіkіrtalas týdyryp jatady. Bul – bіzdіń nazarymyzǵa túsetіn mańyzdy sıgnaldardyń bіrі. Degenmen, sheshіm qabyldar kezde bіz emotsııaǵa emes, naqty derekke súıenemіz. Bіzdіń basty qaǵıdamyz – zań ústemdіgі», – dedі Jandos Ómіrálıev.
Onyń aıtýynsha, eger áleýmettіk jelіlerde jarııalanǵan materıaldar tergeý nemese sot protsesіne aralaspasa, sondaı-aq qandaı da bіr qysym sıpatynda bolmasa, prokýratýra ondaı málіmetterdі nazarǵa alady.
«Tek jýrnalıster emes, jalpy qoǵam tarapynan kelіp jatqan kez kelgen aqparatqa monıtorıng jasaımyz. Áleýmettіk jelіlerdegі málіmetterge kúndelіktі baqylaý júrgіzіledі. Bul aqparattar sheshіm qabyldaý kezіnde eskerіlgenіmen, túpkіlіktі sheshіm tek zań sheńberіnde qabyldanady», – dep túıіndedі Bas prokýrordyń orynbasary.
Aıta keteıіk, bıyl sáýіr aıynda Bas prokýrordyń taǵy bіr orynbasary Ǵalymjan Qoıgeldıev te іzdeýde júrgen kúdіktіlerge qatysty qoǵamda qyzý talqylanǵan máseleler boıynsha túsіnіkteme bergen edі.