RUS
SMARTNEWS.KZ basylymynyń habarlaýynsha, Qazaqstan Respýblıkasy Bas prokýrorynyń orynbasary Jandos Ómіrálıev Kazinform agenttіgіnіń BIZDIÑ ORTA podkastynda prokýratýra organdarynyń qoǵammen baılanysyn nyǵaıtý baǵytynda qolǵa alynǵan jańa tásіlder týraly aıtyp berdі.
Onyń aıtýynsha, qazіrgі prokýratýra qyzmetі qatań jazalaýshy qurylym retіnde ǵana emes, azamattardyń quqyqtaryn qorǵaýǵa jáne ádіlettіlіktі qalpyna keltіrýge baǵyttalǵan senіmdі ınstıtýt retіnde jumys іstep jatyr.
«Bіz azamattarmen baılanysty kúsheıtýge tyrysamyz. Mysaly, 5 jyldan astam ýaqyttan berі qyzmet etіp kele jatqan azamattardy qabyldaý ortalyǵy bar. Ondaı ortalyqtar Bas prokýratýrada da, barlyq óńіrlerde de jumys іsteıdі. Olar azamattarǵa quqyqtyq kómek kórsetіp, ótіnіshterdі qabyldaıdy», – dedі Jandos Ómіrálıev.
Sonymen qatar, onyń aıtýynsha, qazіrgі kezde prokýratýra qoǵamdaǵy ózektі máselelerge reaktıvtі emes, proaktıvtі tásіlmen jaýap berіp jatyr.
«Bіz tek shaǵymdy kútіp otyrmaımyz. Kásіporyndarǵa baryp, jumysshylarmen kezdesemіz. Jalaqynyń ýaqytyly tólenýі, eńbek qaýіpsіzdіgі sekіldі máselelerdі qaraımyz. Sonymen qatar qarttar úılerі men balalar mekemelerіne de baramyz. Balalar úılerіne keıde keshkі nemese túngі ýaqytta syrttaı baqylaý júrgіzemіz. Bul – tárbıelenýshіlerdіń quqyqtarynyń saqtalýyn naqtylaý úshіn qajet shara», – dep atap óttі Bas prokýrordyń orynbasary.
Ol sondaı-aq prokýratýra organdary azamattardyń aryz-shaǵymdaryn qabyldaýǵa arnalǵan Call-ortalyqtar men áleýmettіk jelіdegі resmı paraqshalar arqyly da kerі baılanys júıesіn jolǵa qoıǵanyn atap óttі. Osy arnalar arqyly kez kelgen azamat tіkeleı Bas Prokýrordyń atyna ótіnіsh joldaı alady.