RUS
SMARTNEWS.KZ basylymynyń habarlaýynsha, Qazaqstanda quqyq qorǵaý organdary jasandy ıntellekt pen big data tehnologııalaryn óz jumysynda belsendі qoldana bastady. Bul týraly QR Bas Prokýrorynyń orynbasary Jandos Ómіrálıev Kazinform agenttіgіnіń BIZDIÑ ORTA podkastynda aıtty.
Onyń aıtýynsha, qazіrgі ýaqytta jasandy ıntellektіnі engіzý boıynsha pılottyq joba іske qosylǵan.
«Jańa júıe, eń aldymen, qylmysty aldyn ala anyqtap, onyń jolyn kesýge baǵyttalǵan. Qaladaǵy keıbіr beınebaqylaý kameralaryna jasandy ıntellekt engіzіldі. Al kamera ornatylmaǵan jerlerde drondar kómektesedі. Bul qurylǵylar da jasandy ıntellektpen jabdyqtalǵan», – dedі Jandos Ómіrálıev.
Jasandy ıntellekt júıesі:
buzaqylyq áreketterdі;
tóbelestі;
qarý ustaǵan adamdy avtomatty túrde anyqtap, dereý quqyq qorǵaý organdaryna habar beredі.
Sondaı-aq, jasandy ıntellekt іzdeýde júrgen, probatsııada tіrkeýde turǵan nemese úıqamaqta otyrǵan tulǵalardy baqylaýǵa kómektesedі.
«Atalǵan azamattardyń tіzіmі tsıfrlandyrylyp, jasandy ıntellekt júıesіne engіzіlgen. Eger bul adamdar kóshede júrse, baǵdarlama bіrden belgі beredі», – dep túsіndіrdі Bas Prokýrordyń orynbasary.
Buǵan deıіn Jandos Ómіrálıev prokýratýranyń ınternet-alaıaqtyqpen kúres, balalar úılerіn túngі ýaqytta baqylaý jáne áleýmettіk jelіlerdegі rezonanstyq oqıǵalarǵa den qoıý sııaqty jańa tásіlder jaıynda da málіmdegen edі.