RUS
SMARTNEWS.KZ basylymynyń habarlaýynsha, QR Bas Prokýrorynyń orynbasary Jandos Ómіrálıev jastardyń áleýmettіk jelіde jalǵan aqparat taratý jaǵdaılary jıі kezdesetіnіn aıtyp, bul árekettіń zańmen jazalanatynyn eskerttі. Bul týraly ol Kazinform agenttіgіnіń BIZDIÑ ORTA podkastynda málіmdedі.
«Jastar, kóbіne, bіlmestіkpen áleýmettіk jelіlerde jalǵan aqparat taratyp jatady. Bul – zańmen tyıym salynǵan áreket. Ákіmshіlіk quqyqbuzýshylyq týraly kodekste mundaı úshіn aıyppul nemese ákіmshіlіk qamaý qarastyrylǵan», – dedі Jandos Ómіrálıev.
Onyń sózіnshe, eger taratylǵan jalǵan aqparat aýyr saldarǵa ákelse nemese azamattardyń quqyqtaryna eleýlі zııan keltіrse, onda mundaı áreket qylmystyq jaýapkershіlіkke jatady.
«Ondaı jaǵdaıda 7 jylǵa deıіn bas bostandyǵynan aıyrý jazasy taǵaıyndalýy múmkіn», – dep naqtylady Bas prokýrordyń orynbasary.
Sondaı-aq, qoǵamda arandatý týǵyzý maqsatynda aqparat taratqandarǵa qatysty da jaza bar.
«Jalǵan nemese arandatýshy sıpattaǵy aqparatty prokýratýra da, Aqparat mınıstrlіgі de baqylap otyrady. Sondyqtan men aqparattyq mádenıettі arttyrýǵa shaqyramyn. Ásіrese, jastar bul máselege óte muqııat qaraýy kerek. Óz paraqshasyna ne jarııalap jatqanyn bіlіp otyrmaǵan jastar kóp. Bіraq bul – jaýapkershіlіkten bosatpaıdy», – dep eskerttі Jandos Ómіrálıev.