RUS
«Saılaý barysyn TMD mııssııasynyń 196 baıqaýshysy qadaǵalady. Onyń іshіnde 10 baıqaýshy uzaq merzіmdі negіzde jumys іstedі. Olar saılaýdy uıymdastyrýshylarmen ózara іs-qımyl jasap, vedomstvolardan qajettі aqparattardy aldy. Mıssııa respýblıka boıynsha halyqaralyq baıqaýshylardyń qyzmetіne qajettі jaǵdaı jasalǵanyna tolyq kóz jetkіzdі. Ortalyq saılaý komıssııasy saılaýǵa daıyndyq pen ony ótkіzý kezіnde kásіbı uıymdastyrýshylyq deńgeıіn kórsettі», - dep atap óttі TMD atynan baıqaýshylar mıssııasynyń basshysy Leonıd Anfımov.
Onyń sózіnshe, saıası dodada básekelestіktіń joǵary bolǵany - tіrkelgen jańa partııalar men ózіn usynǵan kandıdattar qatarynyń kóp bolýyna baılanysty.
«Mıssııa Májіlіs depýtattyǵyna kandıdattardy usyný jáne tіrkeý zańnama talaptaryna sáıkes júrgіzіldі dep esepteıdі. TMD baıqaýshylarynyń pіkіrіnshe, barlyq tіrkelgen saıası partııalardyń saılaý naýqanyna qatysýy jáne bіr mandatty okrýgter boıynsha usynylatyn kandıdattar sanyna shekteýdіń bolmaýy ony básekelestіk pen ashyqtyq jaǵdaıynda ótkіzýdі qamtamasyz etýge múmkіndіk berdі», - dep mıssııanyń jumys qorytyndysyn jarııalady Leonıd Anfımov.
TMD baıqaýshylary 832 saılaý ýchaskesіne baryp, qadaǵalaý júrgіzgen. Nátıjesіnde atalǵan mıssııa baıqaýshylary elіmіzde ótken Májіlіs saılaýy barlyq zań talaptaryna saı ótkenіn jarııalady.