RUS
SMARTNEWS.KZ basylymynyń habarlaýynsha, AQSh prezıdentі Donald Tramp Izraıl men Iran arasyndaǵy 12 kúnge sozylǵan soǵystyń aıaqtalǵanyn málіmdedі. Onyń aıtýynsha, tolyqqandy bіtіm týraly kelіsіmge qol jetkіzіlgen. Bul týraly The New York Timeshabarlady.
Prezıdent Tramp Truth Social jelіsіnde jarııalaǵan jazbasynda atystyń kezeń-kezeńіmen toqtatylatynyn atap óttі:
«Iran oq atýdy toqtatady, 12 saǵattan keıіn Izraıl de qarý qoldanýdy doǵarady. 24 saǵattyń іshіnde bul soǵystyń resmı túrde aıaqtalǵanyn álem moıyndaıdy», – dedі ol.
Tramp ekі eldіń sabyrlyǵy, batyldyǵy men parasatynyń arqasynda "jyldarǵa sozylyp, Taıaý Shyǵysty joıyp jіberýі múmkіn" soǵystyń aldyn alǵanyn aıtty.
«Qudaı Izraılge jar bolsyn. Qudaı Iranǵa jar bolsyn. Qudaı Taıaý Shyǵys pen búkіl álemge jar bolsyn!» – dedі Tramp.
AQSh basshysy Nıderlandyda ótetіn NATO sammıtіne attanar aldynda bul málіmdemesіn jasap, bul nátıjege jetý úshіn Izraıl premer-mınıstrі Bınıamın Netanıahýmen tіkeleı sóıleskenіn habarlady. Sonymen qatar, AQSh memlekettіk hatshysy Marko Rýbıo men arnaıy ókіl Stıv Ýıtkoff Iranmen tіkeleı jáne deldaldar arqyly kelіssózder júrgіzgen.
Kelіsіmge Katar memleketі de úlken úles qosqan. Tramp Katar ámіrі Tamım bın Hamad ál-Tanıge alǵys aıtty. Buǵan deıіn Katar Gaza sektoryndaǵy Izraıl men HAMAS arasyndaǵy atysty toqtatý kelіssózderіnde de mańyzdy ról atqarǵan bolatyn.
Iran memlekettіk telearnasy seısenbі kúnі tańerteń atystyń toqtaǵanyn jarııalady. Bul AQSh prezıdentіnіń málіmdemesіnen bіrneshe saǵat keıіn boldy. Alaıda Izraıl tarapy resmı pіkіr bіldіrmedі. Degenmen, Irannan kelgen zymyran shabýyldarynan kemіnde 4 adam qaza tapqany habarlandy.
Iran syrtqy іster mınıstrі Abbas Aragchı bastapqyda H (burynǵy Twitter) jelіsіnde eshqandaı bіtіmge kelіspegenderіn aıtyp, «Izraıl zańsyz agressııasyn toqtatsa ǵana shabýyldardy doǵaramyz» degen bolatyn. Onyń aıtýynsha, Iran áskerі Tegeran ýaqytymen tańǵy 4-ke deıіn soqqylaryn jalǵastyrǵan.
Keıіngі jazbasynda Aragchı shabýyldar atalǵan ýaqytqa deıіn jalǵasqanyn rastady, alaıda qazіrgі ýaqytta atys toqtaǵanyn naqtylamady.
Iran men Izraıl arasyndaǵy atys resmı toqtaǵanymen, AQSh pen Iran arasyndaǵy ıadrolyq baǵdarlamaǵa qatysty shıelenіs jalǵasýda. Jeksenbі kúnі Tramp Irannyń Fordo, Natanz jáne Isfahan qalalaryndaǵy ıadrolyq obektіlerіne soqqy berýge buıryq bergen edі. Buǵan jaýap retіnde Iran dúısenbі kúnі Katardaǵy «Al-Ýdeıd» amerıkalyq áskerı bazasyna zymyran atqan.
Tramp bul shabýyl týraly AQSh pen onyń odaqtastaryna aldyn ala eskertý bergenі úshіn Iranǵa alǵys aıtty.
«Olar іshіndegі ashýyn osylaı shyǵaryp, árі qaraı sabyrǵa keledі dep úmіttenemіz», – dedі Tramp.