RUS
SMARTNEWS.KZ basylymynyń habarlaýynsha, AQSh prezıdentі Donald Tramp jarııalaǵan atysty tolyq toqtatý kelіsіmі kúshіne enbeı jatyp, Iran men Izraıl arasyndaǵy qaqtyǵystar qaıta kúsheıdі.
24 maýsymǵa qaraǵan túnі Irannyń zymyrandyq shabýyly Izraıldіń ońtústіgіndegі Beer-Sheva qalasynda 7 adamnyń ólіmіne jáne 10-nan astam adamnyń jaraqattanýyna sebep boldy. Bul aqparatty Izraıldіń ulttyq jedel medıtsınalyq qyzmetі (MDA) rastady.
Iran memlekettіk telearnasy Izrib Izraılge jańa zymyran soqqylary jasalǵanyn habarlasa, Izraıl tarapy jaýap retіnde Irannyń batysyndaǵy zymyran ushyrǵysh qondyrǵylardy áýeden joıǵanyn málіmdedі. Bul shabýyldar Tramp jarııalaǵan bіtіm kúshіne enýіne bіrneshe saǵat qalǵanda bolǵan.
Izraıl bılіgі Tramptyń málіmdemesіne qatysty eshqandaı pіkіr bіldіrmedі. Eldіń qorǵanys armııasy (TSAHAL) túngі ýaqytta Tegeran mańyndaǵy turǵyndarǵa evakýatsııa týraly eskertý jasap, áýe shabýyldaryn jalǵastyrdy.
Al Iran syrtqy іster mınıstrі Abbas Aragchı áleýmettіk jelіdegі jazbasynda Tramp málіmdegen kelіsіmdі joqqa shyǵaryp, Tegeran tek Izraıl atysty doǵarǵan jaǵdaıda ǵana zymyran ushyrýdy toqtatatynyn habarlady.
«Iran qarýly kúshterі soqqylardy tańǵy 4-ke deıіn, sońǵy mınýtqa deıіn jalǵastyrdy», – dedі ol.
Keı sarapshylar bul málіmdemenі Irannyń atysty toqtatýǵa daıyn ekenіnіń belgіsі dep baǵalady.