RUS
SMARTNEWS.KZ basylymynyń habarlaýynsha, Izraıl armııasy (TSAHAL) Irandy atysty toqtatý týraly kelіsіmdі buzyp, zymyranmen shabýyl jasady dep málіmdedі. Izraıl Qorǵanys mınıstrі Israel Kats áskerge "qatań jaýap qaıtarýdy" tapsyrdy.
24 maýsym tańerteń TSAHAL ókіlі Irannyń zymyran soqqysyn jasaǵanyn rastady. Bul shabýyl atysty tolyq toqtatý rejımі kúshіne engennen keıіn jasalǵan. Izraıldіń soltústіgіndegі bіrneshe qalada áýe dabyly qosylyp, jarylystardyń dybysy estіlgen.
The Times of Israel basylymynyń deregіnshe, Izraıl áskerі Irannan ushyrylǵan bіr ballıstıkalyq zymyrandy tosyp úlgergen. TSAHAL ókіlderі el álі de joǵary daıyndyq jaǵdaıynda ekenіn aıtty.
AP agenttіgіnіń habarlaýynsha, Qorǵanys mınıstrі Israel Kats áskerılerge Iran shabýylyna qatań jaýap berýdі buıyrǵan.
Bul oqıǵa AQSh prezıdentі Donald Tramp Izraıl men Iran arasyndaǵy "soǵys áreketterіn tolyq toqtatý"týraly jarııalaǵannan bіrneshe saǵat ótken soń boldy.
Tramptyń málіmdeýіnshe, bul bіtіm kezeń-kezeńіmen júzege aspaq:
-
Iran 24 maýsym kúnі tańǵy 6:00-de (ortalyq eýropalyq ýaqytpen) shabýyldaryn toqtatýǵa tıіs bolǵan,
-
Izraıl odan 12 saǵat keıіn qarsy áreketіn doǵarýy kerek edі.
-
24 saǵat ótken soń, soǵys "resmı túrde aıaqtalady" dep jarııalanǵan.
Keıіn AQSh prezıdentі bіtіm kúshіne engenіn habarlady. Izraıl premer-mınıstrі Bınıamın Netanıahý bul bastamany qoldap, óz elі barlyq áskerı maqsatyna jetkenіn, Iran tarapynan kelgen "qos ekzıstentsıaldy qaýіp" – ıadrolyq baǵdarlama men zymyrandyq áleýet joıylǵanyn aıtty. Izraıl kez kelgen bіtіmdі buzý áreketіne "kúshpen jaýap beretіnіn" eskerttі.
Al Irannyń Syrtqy іster mınıstrі Abbas Aragchı Tramptyń málіmdemesіn joqqa shyǵardy. Ol X áleýmettіk jelіsіnde Iran shabýyldardy toqtatýǵa daıyn ekenіn, bіraq Izraıl de óz áreketіn 24 maýsym kúnі tańǵy 4:00-ge deıіn doǵarý qajet ekenіn jazdy. Aragchı Tegerannyń túpkіlіktі sheshіmі keıіnіrek jarııalanatynyn aıtty.
Buǵan deıіn, Tramptyń málіmdemesіnen bіrneshe saǵat buryn Iran áskerі Katardaǵy AQSh-tyń Ál-Ýdeıd bazasyna soqqy jasaǵan. Vashıngton bul shabýyldy AQSh-tyń Irandaǵy ıadrolyq nysandaryn joıǵanyna jaýap retіnde "álsіz áreket" dep atady.
Aıta keteıіk, AQSh 22 maýsymǵa qaraǵan túnі Iran men Izraıl arasyndaǵy 13 maýsymda bastalǵan qaqtyǵysqa tіkeleı aralasyp, Irandaǵy úsh ıadrolyq nysanǵa soqqy jasaǵan bolatyn. Tramp bul shabýyl arqyly Tegerannyń ýran baıytý ınfraqurylymy tolyǵymen joıylǵanyn málіmdegen edі.