RUS
SMARTNEWS.KZ basylymynyń habarlaýynsha, AQSh pen Izraıldіń bіrlesken operatsııasy Irannyń ıadrolyq nysandaryna aıtarlyqtaı zaqym keltіrgenіmen, onyń baǵdarlamasy tek bіrneshe aıǵa ǵana tejelgen. Bul týraly AQSh Qorǵanys mınıstrlіgіne qarasty Barlaý basqarmasynyń (DIA) baıandamasynda aıtyldy.
Atalǵan esep AQSh prezıdentі Donald Tramptyń burynǵy málіmdemesіne qaıshy keledі. Ol ıadrolyq nysandarǵa baǵyttalǵan «naqty jáne dál operatsııa» nátıjesіnde Irannyń baǵdarlamasy «tolyq joıyldy» dep málіmdegen edі. Onyń aıtýynsha, shabýyl kezіnde Fordo, Natanz jáne Isfahandaǵy nysandarǵa 30 000 fýnttyq (13 600 kg) «býnker-býster» bombalary tastalǵan.
Alaıda barlaý esebіne súıensek, negіzgі zaqym jer ústіndegі ınfraqurylymǵa kelgen. Al Fordo sııaqty jer astynda ornalasqan, asa qorǵalǵan ıadrolyq nysandardyń іshkі júıesі bútіn qalǵan. Sonymen qatar, joǵary baıytylǵan ýrannyń bіr bólіgі soqqyǵa deıіn jasyryn basqa nysandarǵa kóshіrіlgenі aıtylyp otyr. CIA-dyń málіmetіnshe, Irannyń tsentrıfýgalarynyń kópshіlіgі de zaqymdanbaǵan.
Aq úı bul eseptі joqqa shyǵardy, al onyń baspasóz hatshysy Karolın Lıvıtt bul aqparatty «Trampty kemsіtýge baǵyttalǵan jalǵan málіmet» dep atady.
«14 úlken bomba nysanaǵa dál tıgen kezde ne bolatynyn bárі bіledі — bul tolyq joıylý», – dedі Lıvıtt.
Soǵan qaramastan, Tramp keıіngі málіmdemelerіnde «Iran ıadrolyq baǵdarlamasyn endі eshqashan qalpyna keltіre almaıdy» dep qaıtalap júr.
Izraıl premer-mınıstrі Bınıamın Netanıahý da málіmdeme jasap, olardyń 12 kúnge sozylǵan áskerı operatsııasyn «tarıhı jeńіs» dep baǵalady.
«Bіz Irannyń ıadrolyq qarý jasaý qaýpіn jáne 20 myń ballıstıkalyq zymyran qaýіpіn joıdyq», – dedі ol.
Al Iran óz kezegіnde AQSh-pen kelіssóz júrgіzýge daıyn ekenіn málіmdedі. Bіraq Tegeran ózіnіń «zańdy quqyqtaryn» qorǵaıtynyn jáne Izraıl tarapynan kez kelgen kelіsіmdі buzý áreketіne jaýap qaıtaratynyn eskerttі.