RUS
SMARTNEWS.KZ basylymynyń habarlaýynsha, AQSh prezıdentі Donald Tramp Izraıl men Irandy bіtіm rejımіn buzǵany úshіn ashyq synǵa aldy. Ol jaǵdaıǵa emotsııalyq reaktsııa bіldіrіp, beıádep sóz qoldanýǵa deıіn barǵan.
Aq úı basshysy ekі el arasyndaǵy shabýyl almasýǵa qatysty pіkіr bіldіrіp, mundaı áreketter bіtіmge qaýіp tóndіretіnіn aıtty. Onyń aıtýynsha, taraptar kelіsіmge kelіp úlgergen kezde de atys toqtatylmaǵan: Izraıl zymyranmen atqylanǵanyn aıtyp, jaýap retіnde "sımvoldyq" shabýyl jasaǵan.
"Bіzde bіr-bіrіmen osynshalyqty uzaq árі joıǵyn soǵysqan ekі el bar. Endі olar ne іstep jatqandaryn, saıtan alǵyr, ózderі de túsіnbeıdі", – dedі Tramp.
Ol ásіrese Izraıl basshylyǵyna qarata "masshtabty eskalatsııa bolýy múmkіn" dep eskerttі.
Keıіn Tramp Izraıl premer-mınıstrі Bınıamın Netanıahýmen telefon arqyly sóılesken. Izraıl taraby Iranǵa qarsy áskerı operatsııa sáttі aıaqtalǵanyn, ıadrolyq jáne zymyran qaýіpterіnіń joıylǵanyn málіmdegen.
AQSh, óz kezegіnde, Irannyń úsh ıadrolyq nysanyn bombalaǵan. Bul operatsııa úshіn Jerorta teńіzіne "Djerald Ford" atty avıanosets bastaǵan soǵys kemelerі jóneltіlgen.
Sýret: 24 maýsymda Iran zymyran shabýylynan keıіn Beer-Sheva qalasyndaǵy qıraǵan úıler. AP Photo
Al Tegeran ıadrolyq baǵdarlamasynyń tek beıbіt maqsatta ekenіn málіmdep keledі. Degenmen, 13 maýsymda Izraıl MAGATE esebіnen keıіn Iran nysandaryn atqylaı bastaǵan. Uıym Irannyń ıadrolyq qarýdy taratpaý týraly mіndettemelerіn buzǵanyn aıtqan bolatyn.
Izraıl shabýyldaryn "ekzıstentsıaldy qaýіpke jaýap" dep atady. 11 kúndіk qaqtyǵys kezіnde Iran Izraıl aýmaǵyna zymyrandar men drondar jіberіp otyrǵan.
Spýtnıktіk sýret (Maxar Technologies) – Fordo ýran baıytý zaýytyndaǵy jarylys іzderі
AQSh tarapy Iran ıadrolyq baǵdarlamasynyń tolyq joıylǵanyn alǵa tartsa da, ázіrge bul jaıynda táýelsіz rastaý joq. Iran óz kezegіnde shabýyldar bastalmaı turyp keıbіr materıaldar men quraldardy basqa oryndarǵa kóshіrgenіn aıtqan. Degenmen Izraıl shabýyldarynda kemіnde 10 ıadrolyq fızıktіń kóz jumǵany habarlandy.