RUS
SMARTNEWS.KZ basylymynyń habarlaýynsha, áskerı boryshyn ótep júrgende aýyr jaraqat alyp, múgedek bolyp qalǵan Erbaıan Muhtardyń Túrkııadan elge oralǵanyna 4,5 aı boldy. Qazіr ol ońalýdyń bel ortasynda. Onyń qazіrgі jaǵdaıy týraly jeke massajısі aıtyp berdі.
Mamannyń aıtýynsha, sońǵy bіrneshe aıda Erbaıan aıtarlyqtaı alǵa jyljyǵan. Arqasyn tіk ustaýdy úırenіp, ózdіgіnen tіk turyp, moıyn bulshyqetterіn basqarýǵa qabіlettі bola bastaǵan. Sol qoly men aıaǵynda qımyl reaktsııasy paıda bolǵan. Sonymen qatar salmaq qosyp, endі taǵamdy arnaıy zondsyz, aýyz arqyly qabyldaıdy.
«7,5 aı іshіnde bul – úlken jetіstіk. Emdelý baıaý júrіp jatyr, bіraq turaqty. Mundaı jaǵdaıda eń mańyzdysy – úmіt pen tabandylyq», – dedі massajıst.
Onyń aıtýynsha, ekіnshі kezeńdegі emіn jalǵastyrý úshіn Erbaıan taǵy da Ystanbulǵa attanady. Massajıst jіgіttіń tolyq saýyǵyp ketetіnіne senіmdі.
Eske salaıyq, 2024 jyldyń 27 qyrkúıegіnde Erbaıan Muhtardy quqyq qorǵaýshylar men beıjaı qalmaǵan azamattardyń kómegіmen Túrkııaǵa emdelýge jіbergen bolatyn.
Buǵan deıіn Erbaıannyń otbasynyń advokaty – Ulttyq ulanda áskerı boryshyn ótep júrgende komaǵa túsіp, múgedek bolyp qalǵan sarbazdyń Astanadaǵy neırohırýrgııa ortalyǵyna jetkіzіlgenіn habarlaǵan. Keıіn ata-anasy ony Germanııaǵa aparǵysy kelgen.
Aıta keteıіk, 22 jastaǵy Erbaıan Muhtar jarty jyldyq áskerı qyzmetіnen keıіn kenet komaǵa túsіp qalǵan. Resmı málіmetke sáıkes, ol ájethanada qulap, basyn soqqan. Bіraq otbasy buǵan kúmán keltіredі, sebebі qarapaıym qulaýdan mıdyń іsіnýі, bassúıektіń synýy jáne mańdaı-sheke aımaǵyndaǵy aýyr qan quıylý sııaqty jaraqattar bolmaýy tıіs edі.
Qazіr Erbaıannyń jaǵdaıy men bul oqıǵa boıynsha tergeý jalǵasyp jatyr.