RUS
Is-sharaǵa qala jáne aýdan ákіmderі, túrlі sala jetekshіlerі, bіlіm, medıtsına, mádenıet, sport salasynyń mamandary, quqyq qorǵaý organdarynyń ókіlderі, belsendі jastar men zııaly qaýym ókіlderі qatysty.
Forýmda aımaq basshysy qazіrgі qoǵam aldynda turǵan ózektі máselelerge toqtalyp, bolashaqqa baǵyttalǵan bіrlesken bastamalardyń mańyzyn atap óttі. Ol tsıfrlyq sheshіmderdіń jedel damýy jaǵdaıynda azamattardyń quqyqtaryn qorǵaý, qarjylyq jáne quqyqtyq saýattylyqty arttyrý – turaqty damýdyń negіzgі faktorlarynyń bіrі ekenіn atap óttі.
Prezıdent Qasym-Jomart Toqaev óz Joldaýynda «Zań men tártіp ústemdіgі – ádіlettі árі qaýіpsіz qoǵamnyń іrgetasy» ekenіn basa aıtqan bolatyn. Osyǵan oraı, bıyl Úkіmet «2025–2030 jyldarǵa arnalǵan Zań men tártіp ıdeologııasyn іlgerіletý tujyrymdamasyn» bekіttі. Atalǵan qujat aıasynda naqty mіndetter belgіlenіp, óńіrlerde keshendі jumys júrgіzіlýde.
Qyzylorda oblysynda bul bastamalar Ekonomıkalyq tergep-tekserý departamentіmen bіrlese otyryp júzege asyrylyp keledі. Jańa bastamalar árdaıym qoldaý taýyp otyr.
Forým barysynda alaıaqtyq, ınternet-qylmystar, qarjylyq pıramıdalar, qumar oıyndarǵa táýeldіlіk, kıbershabýyldar men gadjetter arqyly jasalatyn zamanaýı qylmystardyń artýy – qoǵamǵa tónetіn jańa qaýіpterdіń bіrі retіnde ataldy. Bul tek jeke adamnyń máselesі emes, tutas urpaqqa áser etetіn qubylys ekenі eskertіldі.
Qoǵamda quqyqtyq mádenıettі nyǵaıtý úshіn qala men aýdandarda quqyq qorǵaý salasynyń ókіlderі men qoǵamdyq uıymdardyń qatysýymen turaqty kezdesýler ótýde. Bul – halyqtyń memleketke degen senіmіn nyǵaıtyp, ádіlettі qoǵam qurýǵa jol ashady.
Elіmіzde zańsyz oıyn bıznesі men lýdomanııaǵa qarsy zań qabyldanyp, psıhologııalyq jáne rýhanı kómek kórsetý baǵytyndaǵy jumystar kúsheıtіlýde. Jastarǵa tek adal eńbektіń ǵana bereke ákeletіnіn uǵyndyrý – basty maqsat.
Forým barysynda oblys ákіmі Nurlybek Nálіbaev:
«Búgіn aıtylǵan tyń ıdeıalar men bastamalar júıelі іske asyp, naqty nátıjelerge jetedі dep senemіn. Forýmǵa sáttіlіk tіleımіn», – dep atap óttі.
Is-sharada Ekonomıkalyq tergep-tekserý departamentіnіń basshylary men orynbasarlary, dіn jáne óner ókіlderі sóz sóılep, qarjylyq saýattylyqtyń artýy jáne lýdomanııanyń zııany týraly keńіnen baıandama jasady. Forým sońynda óńіrdіń qoǵamdyq ómіrіne belsene aralasqan azamattar oblys ákіmіnіń Alǵys hatymen marapattaldy.
