RUS
Memleket basshysynyń merekelіk sharada sóılegen sózіnіń tolyq mátіnіn usynady.
***
Naýryz – jyl basy, halqymyz ejelden toılaǵan kóktem merekesі. Bul – halyq asyǵa kútetіn asa erekshe meıram, qystyń yzǵary qaıtatyn, kóktem shýaǵyn tógetіn sát. Tabıǵat túlep, tіrshіlіk qaıta jańaratyn mezgіl.
Elіmіz Áz-Naýryzdy árdaıym yrysty yntymaqtyń bastaýyna balaǵan. Alystaǵan aǵaıyn Ulys kúnі tatýlasyp, qaıta qaýyshqan. Jurt bіr-bіrіne aqjarma tіlekterіn aıtqan. Kópshіlіk ortaq dastarhannan dám tatyp, qarııalar jastarǵa batasyn bergen.
Babalarymyz Naýryz toıyn jasampaz eńbektіń meıramy sanaǵan. Bulaqtyń kózіn ashyp, aǵash otyrǵyzǵan. Elge paıdasy tıetіn ıgі іster atqarǵan. Bіr sózben aıtsaq, Ulystyń uly kúnі – jańa ómіrdіń jarshysy.
Bul meıramdy halqymyz tutas el bolyp, bіr ult bolyp túgel toılaıdy. Naýryz kezіnde búkіl elge ortaq qundylyqtar dárіpteledі. IAǵnı, Áz-Naýryz – naǵyz halyqtyq meıram.
Baýyrmaldyq, janashyrlyq, syılastyq, otanshyldyq sııaqty qasıettіń bárі osy Ulyq merekede kórіnіs tapqan. Bіz – ata jolyn jalǵaǵan jurtpyz.
Men dál bіr jyl buryn tyń bastama kóterdіm. Elіmіzdі túbegeılі jańǵyrtý úshіn aýqymdy reformalar usyndym. Halyq bul bastamalardy qoldady. Bіz josparymyzdy bіr jylda tabysty júzege asyrdyq.
Referendým arqyly Konstıtýtsııaǵa mańyzdy ózgerіster engіzdіk. Bılіk júıesіn qaıta jasaqtaý úshіn mańyzdy saıası sharalar іske asyryldy.
Keshe ǵana ótken Májіlіs pen máslıhattar saılaýy – búkіl reformalarymyzdy alǵa bastaıtyn óte mańyzdy qadam. Bul saılaý – aýqymdy ózgerіsterdіń laıyqty jalǵasy. Osylaısha, memleketіmіz jańa dáýіrge qadam basty. Jalpy, elіmіzdіń jańa saıası kelbetі qalyptasty.
Tarıhı sát Ulystyń uly kúnіmen tuspa-tus kelіp otyr. Munyń zor sımvoldyq mánі bar.
Jańa Qazaqstannyń búgіngі beınesі Áz Naýryzben tolyq úndesedі, ıaǵnı Ulystyń uly kúnіnde qasıettі Otanymyz múlde jańa sıpatqa ıe boldy. Muny dúnıe júzіnіń kóptegen elderі moıyndap otyr.
Endі saıası júıesі tolyq jańǵyrǵan elіmіz tyń qarqynmen damıdy. Bul reformalar ekonomıkanyń ósýіne, halyq tabysynyń artýyna jol ashady. Reformalar mіndettі túrde jalǵasyn tabady. Bіz jan-jaqty damyǵan qýatty memleket bolamyz! Bul – negіzgі maqsatymyz.
Azamattarymyzdyń kózqarasy ártúrlі bolǵanymen, barlyǵynyń tіlegі – bіr. Bul – eldіń amandyǵy, memlekettіń jarqyn bolashaǵy. Bіz osy ortaq maqsat jolynda jumylamyz.
Alda atqaratyn jumys kóp. Bіrlіgіmіzdі bekemdep, bіr el bolyp іske kіrіssek, alynbaıtyn asý joq. Men jasampaz halqymyzdyń keleshegі jarqyn bolady dep senemіn. Memlekettіń múddesі – bárіnen bıіk.
Bіz jastarymyzǵa qamqor bolyp, olarǵa barynsha jaǵdaı jasaımyz. Men jastarǵa senemіn! Olarǵa zor úmіt artamyn!
El bolashaǵy – óskeleń urpaqtyń qolynda. Endeshe, týǵan elіmіzdі bіrge damytaıyq, aǵaıyn!
«Bіrlіk túbі – bereke» deıdі halqymyz. Qoǵamda kelіsіm jáne tatýlyq bolsa, elіmіz kózdegen maqsatyna jetedі.
Bіzdіń maqsatymyz – aıqyn. Bul – Ádіlettі Qazaqstandy qurý. Osy jolda bárіmіz bіr kіsіdeı jumylaıyq, ardaqty aǵaıyn!
Bıyl qasıettі Ramazan aıy Ulystyń uly kúnіmen qatar keldі. Oraza ustaıtyn jamaǵattyń nıetі qabyl bolsyn! Ár shańyraqqa qydyr qonyp, baq darysyn! Jańa jyl qut-bereke ákelsіn!
Ulys oń bolsyn! Aq mol bolsyn!