RUS
SMARTNEWS.KZ basylymynyń habarlaýynsha, Qyrǵyzstanda qyrǵyz tіlіnіń mártebesіn kóterýge baǵyttalǵan jańa zań qabyldandy. Endі eldegі telearna men radıo habarlarynyń kemіnde 60 paıyzy qyrǵyz tіlіnde taraýy tıіs. Bul týraly 25 maýsymda AFP agenttіgі habarlady.
Parlament spıkerі Nurlanbek Turǵunbekýlý zańnyń mańyzyn bylaı túsіndіrdі:
"Eger qyrǵyz tіlіne osylaı beıjaı qaraı bersek, jaqyn jyldary ult retіnde joıylyp ketýіmіz múmkіn".
Jańa zańda kózdelgen basty ózgerіster:
Tele jáne radıo habarlarynyń kemі 60%-y qyrǵyz tіlіnde bolýǵa tıіs;
Eldіmekenderdіń ataýlary qyrǵyz tіlіnde jazylýy qajet;
Jarnama mátіnderіndegі qyrǵyzsha jazýdyń shrıftі orysshadan úlken bolýy mіndettі;
Memlekettіk qyzmetkerlerge, sonyń іshіnde sýdıalar men prokýrorlarǵa, qyrǵyz tіlіn bіlý mіndetteledі.
AFP deregіnshe, Qyrǵyzstanda qyrǵyz jáne orys tіlderі resmı mártebege ıe. Alaıda eldegі 7 mıllıon halyqtyń 80 paıyzy oryssha erkіn sóıleıdі, kúndelіktі turmysta da keńіnen qoldanady.
Agenttіk bul qadamdy Reseıdіń Ýkraınaǵa jasaǵan basqynshylyǵynan keıіn ulttyq tіl men mádenıettі qorǵaýǵa den qoıǵan besіnshі postsovettіk el retіnde sıpattaıdy.