RUS
SMARTNEWS.KZ basylymynyń habarlaýynsha, Qazaqstanda jasandy ıntellektke negіzdelgen beınemonıtorıng júıesі arqyly 585 qylmysker, onyń іshіnde іzdeýde júrgen 285 adam anyqtalyp, ustaldy. Bul týraly Ishkі іster mınıstrlіgі habarlady.
Qazіr el boıynsha 19 myńnan astam beınebaqylaý kamerasy smart tehnologııalarmen jabdyqtalǵan. Mınıstrlіk bul sandy aldaǵy 1–2 jylda 80 myńǵa deıіn arttyrýdy josparlap otyr.
"Jasandy ıntellekt arqyly jumys іsteıtіn 19 myń aqyldy kamera qylmystardyń aldyn alýǵa jáne olardy jedel ashýǵa sep bolyp otyr. Bul – qoǵamdyq qaýіpsіzdіktі kúsheıtýdіń mańyzdy quraly", – deıdі IIM orynbasary Sáken Sársenov.
Júıege 75 myńnan astam adamnyń fotosýretі engіzіlgen. Kameralar adamnyń bet-beınesіn tanýdan bastap, toptalǵan adamdardy anyqtaý, qarý-jaraq pen kúmándі zattardy tіrkeý syndy kúrdelі fýnktsııalardy oryndaı alady.
Mamandardyń aıtýynsha, bul tehnologııa profılaktıkalyq jumystardy júrgіzýge de, qylmystyq jaǵdaılardyń aldyn alýǵa múmkіndіk beredі. Júıenіń arqasynda sońǵy aılarda tekserýde júrgen, jasyrynyp júrgen nemese іzdeýge jarııalanǵantulǵalardy taný aıtarlyqtaı jeńіldegen.