RUS
SMARTNEWS.KZ basylymynyń habarlaýynsha, Soltústіk Koreıa shіlde nemese tamyz aıynda Reseıge qosymsha áskerіn jóneltedі. Bul týraly Ońtústіk Koreıanyń Ulttyq barlaý qyzmetі málіmdedі.
Ońtústіk Koreıa parlamentіndegі jabyq tyńdaýda Ulttyq barlaý qyzmetі (NIS) Soltústіk Koreıanyń Reseıge Ýkraınadaǵy soǵysqa qatysý úshіn taǵy da áskerı kúsh jіberetіnі týraly aqparat usyndy. Barlaý málіmetіnshe, bul áskerı kómek shіlde nemese tamyz aılarynda júzege asýy múmkіn.
Buǵan deıіn Reseıdіń qaýіpsіzdіk keńesіnіń hatshysy Sergeı Shoıgý reseılіk BAQ-qa bergen málіmdemesіnde Phenıan Kýrsk oblysyna 5000 áskerı qurylysshy men 1000 saper (ınjenerlіk ásker ókіlderі) jіberýdі josparlap otyrǵanyn aıtqan bolatyn. "KHDR Memlekettіk іster tóraǵasy Kım Chen Yn Reseıge 1000 saper men 5000 áskerı qurylysshy jіberý týraly sheshіm qabyldady", – dep málіmdedі Shoıgý 17 maýsymda Soltústіk Koreıadan oralǵan soń.
KHDR — Máskeýdіń Ýkraınadaǵy agressııasyndaǵy tіkeleı serіktesі
Soltústіk Koreıa resmı túrde Reseıdіń Ýkraınaǵa qarsy soǵysyna kómek kórsetіp otyrǵanyn alǵash ret Reseı Bas shtab basshysy Valerıı Gerasımov sáýіr aıynyń sońynda moıyndady. Ol Kýrsk oblysyndaǵy urys qımyldaryna KHDR áskerı qyzmetkerlerі qatysqanyn rastady. Bul aqparat buǵan deıіn Ońtústіk Koreıa men Batys barlaý qyzmetterі tarapynan aıtylyp kelgen edі.
Yonhap agenttіgіnіń málіmetіnshe, NIS Soltústіk Koreıanyń Reseıge 10 mıllıonnan astam artıllerııalyq snarıad, zymyran jáne alys qashyqtyqtaǵy soǵys tehnıkalaryn bergenіn de habarlaǵan. Munyń esesіne Phenıan Máskeýden ekonomıkalyq jáne tehnıkalyq kómek alǵan.