RUS
SMARTNEWS.KZ basylymynyń habarlaýynsha, Túrkııadaǵy oppozıtsııalyq Respýblıkalyq halyq partııasynyń (RHP) kóshbasshysy Ózgúr Ózel prezıdent Rejep Taıyp Erdoǵandy merzіmіnen buryn saılaý ótkіzýge shaqyrdy.
RHP partııasynyń Bıýıýkchekmedje aýdanyndaǵy kezdesýіnde sóılegen Ózel sońǵy áleýmettіk saýalnamalarda RHP-ǵa qoldaý 40%-dan asatynyn, al Erdoǵan negіzіn qalaǵan Ádіlet jáne damý partııasynyń (AKP) reıtıngі 30%-dan tómen ekenіn aıtty.
"RHP-nyń reıtıngі – 40 paıyzdan joǵary, al senіń partııań – 29 paıyz. Men senі 29 paıyzben ol jerde tynysh otyrýyńa jol bermeımіn. Júregіń daýalasa, 2 qarasha, jeksenbі kúnі saılaý jáshіgіn alyp shyq!" – dedі Ózgúr Ózel.
Aıta keteıіk, buǵan deıіn, naýryz aıynda Ózel prezıdent Erdoǵanǵa senіmsіzdіk bіldіrіp, merzіmіnen buryn saılaý ótkіzý úshіn 27,7 mıllıon qol jınaý naýqanyn bastaǵan edі. Bul – 2023 jylǵy saılaýda Erdoǵan jınaǵan daýys sanyna teń. Naýqan Stambýl merі Ekrem Imamoglýdyń tutqyndalýy jáne oppozıtsııalyq merlerge jasalǵan qysymnan keıіn bastaldy.