RUS
SMARTNEWS.KZ basylymynyń habarlaýynsha, burynǵy Májіlіs depýtaty, qazіrgі Shymkent qalasy ákіmіnіń orynbasary Rýslan Berdenov «Respublica» partııasyndaǵy teń tóraǵalyq qyzmetіnen ketýіnіń sebepterіn ózі túsіndіrdі.
«Bul sheshіmdі tolyq oılanyp, sanaly túrde qabyldadym», – deıdі ol.
Berdenov bul sheshіmge bіrneshe obektıvtі sebep túrtkі bolǵanyn aıtty:
Bіrіnshіden, qazіrgі laýazymy – memlekettіk qyzmetker. Al Qazaqstan zańnamasyna sáıkes, mundaı qyzmettі atqaratyn tulǵalar saıası partııada basshylyq qyzmette bola almaıdy. Berdenov zańǵa baǵynyp, talapty saqtaýdy jón sanaǵanyn málіmdedі.
Ekіnshіden, Respublica partııasynyń іshkі tártіbі de memlekettіk qyzmet pen partııalyq laýazymdy qatar alyp júrýge tyıym salady.
«Bіz saıası yqpal men memlekettіk basqarý bólіnýі tıіs dep sanaımyz», – dedі ol.
Úshіnshіden, densaýlyq jaǵdaıy da sheshіmge áser etken.
«Memlekettіk qyzmettegі jumysymdy jaýapkershіlіkpen atqarý úshіn densaýlyǵyma basymdyq berіp otyrmyn», – dedі Berdenov.
Ol Respublica partııasynyń bastapqy ıdeıalaryna adal bolyp qala beretіnіn jáne komandalastaryna alǵys aıtyp, tabys tіledі.
Eske sala keteıіk, bıyl 24 aqpanda Rýslan Berdenov Shymkent qalasy ákіmіnіń orynbasary bolyp taǵaıyndaldy. Osyǵan baılanysty onyń Májіlіs depýtattyǵy toqtatyldy.
Sáýіr aıynda Berdenovke qastandyq jasalyp, ol aýyr halde aýrýhanaǵa túsken. Jedel ota jasalyp, keıіn saýyǵyp shyqqan bolatyn.